Normativ-huquqiy hujjatlar loyihalari muhokamasi portalida “O‘zbekiston Respublikasining Ma’muriy javobgarlik to‘g‘risidagi kodeksiga o‘zgartish va qo‘shimchalar kiritish haqida”gi qonun loyihasi joylashtirildi.
O‘zbekiston Respublikasining 1994 yil 22 sentyabrda qabul qilingan 2015-XII-sonli Qonuni bilan tasdiqlangan O‘zbekiston Respublikasining Ma’muriy javobgarlik to‘g‘risidagi kodeksiga quyidagi o‘zgartish va qo‘shimchalar kiritiladi:
28-modda (Maxsus huquqdan mahrum qilish):
quyidagi mazmunda ikkinchi ‒ to‘rtinchi qismlar bilan to‘ldiriladi:
“Transport vositasidan foydalanib sodir etilgan yo‘l harakati qoidalarini buzganlik uchun transport vositasining haydovchisiga nisbatan jarima ballari hisoblanadi. Jarima ballarining bir yil davomidagi umumiy miqdori o‘n ikki yoki undan ortiq ballga teng bo‘lgan taqdirda, transport vositasining haydovchisi yil yakuniga qadar transport vositasini boshqarish huquqidan mahrum qilinadi.
Maxsus avtomatlashtirilgan foto va video qayd etish texnika vositalari orqali aniqlangan qoidabuzarliklar haydovchiga jarima ballari berishga asos bo‘lmaydi.
Transport vositasidan foydalanib sodir etilgan yo‘l harakati qoidalarini buzganlik uchun transport vositasining haydovchisiga nisbatan jarima ballarini hisoblash tartibi O‘zbekiston Respublikasi Vazirlar Mahkamasi tomonidan belgilanadi”.
ikkinchi – uchinchi qismlar tegishincha beshinchi – oltinchi qismlar deb hisoblanadi.
343-moddaning (Maxsus huquqdan mahrum etish muddatini qisqartirishning asoslari va tartibi) matni quyidagi tahrirda bayon etiladi:
“Muayyan muddatga transport vositasini boshqarish huquqidan yoki ov qilish huquqidan mahrum etilgan shaxs mehnatga halol munosabatda bo‘lishi va namunali xulq-atvori bilan o‘zini ko‘rsatgan taqdirda, ushbu moddaning ikkinchi qismida nazarda tutilgan holatlarni istisno etgan holda, unga nisbatan jazo qo‘llagan ma’muriy sud bunday huquqdan mahrum qilish muddatini belgilangan muddatning kamida yarmi o‘tgach va sud tomonidan tayinlangan jarima to‘langach, korxona, muassasa, tashkilot ma’muriyatining iltimosi bilan qisqartirishi mumkin.
Ushbu Kodeksning 28-moddasi ikkinchi qismida nazarda tutilgan holatlarda o‘n ikki yoki undan ortiq jarima baliga teng yo‘l harakati qoidalarini buzganlik uchun transport vositasini boshqarish huquqidan mahrum etilgan haydovchilarga nisbatan transport vositasini boshqarish huquqidan mahrum qilish muddati yo‘l harakati qoidalarini buzganlik sodir etilgan yil yakuniga qadar qisqartirilishi mumkin emas”. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Uchar avtomobil yo‘lovchi bilan birinchi parvozini amalga oshirdi (video)
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi