Fuqaroni psixotrop vosita xarid qilganlikda ayblab, uni qamoqqa olish bilan qo‘rqitgan soxta ichki ishlar xodimi ushlandi. Bu haqda Toshkent shahar IIBB matbuot xizmati xabar berdi.
Ichki ishlar organlariga 28 yoshli Ruzmat A. murojaat qilib, 8 may kuni taxminan soat 21.00 da dorixonadan chiqayotganida uning yoniga ikki nafar yosh yigitlar kelib, ulardan biri o‘zini ichki ishlar xodimi deb tanishtirib guvohnomasini ko‘rsatganini ma’lum qilgan. Keyin aniqlanishicha, guvohnoma qalbaki bo‘lgan.
Ruzmat A.ni psixotrop vositani xarid qilganlikda ayblab uni qamoqqa olish bilan qo‘rqitgan, o‘zini Mirali deb tanishtirgan noma’lum shaxs Ruzmatdan «ishni tinchitish» uchun 1500 AQSh dollari talab qilgan. Ruzmat A.unga 500 AQSh dollari bergan.
Tezkor tadbirlar natijasida ushbu jinoyatni sodir etganlikda gumonlanuvchi tariqasida IIBB xodimlari tomonidan vaqtinchalik ishsiz Mirali T. qo‘lga olindi. Ushbu fakt bo‘yicha O‘zbekiston Respublikasi Bosh prokuraturasining Iqtisodiy jinoyatlarga qarshi kurashish departamenti tomonidan O‘zbekiston Respublikasi Jinoyat kodeksining 165-moddasi 2-qismi («Tovlamachilik») bo‘yicha jinoiy ish qo‘zg‘atildi. Hozirgi vaqtda Mirzo-Ulug‘bek tumani IIO FMB tergov ishlarini olib bormoqda. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Abbosbek Fayzullayev “kashfiyotlar” qatorida
O‘zbekiston matbuot erkinligi reytingida 11 pog‘onaga pastladi
Jasur Jaloliddinov: "Finalda kuchli jamoa yutqazdi"
AQSHda erkak xotinini pichoqlab, uni tiriklayin ko‘mdi, ayol esa tirik...
Umarali Rahmonaliyev: "Butun O‘zbekiston xalqidan ming bor uzr so‘rayman"
Iroq U-23 ustozi Radhi Shenaishil: "Qo‘l ostimdagi barcha futbolchilar Olimpiadaga borishga munosib"
Tadqiqot: dunyoda antisemitizm to‘lqini kuzatilmoqda
O‘zbekiston Olimpiya o‘yinlarining "S" guruhidan joy oldi