Nukusda ichki ishlar xodimiga pora bermoqchi bo‘lgan fuqaro qo‘lga tushdi. Bu haqda Qoraqalpog‘iston Respublikasi IIV axborot xizmati xabar bermoqda.
Qayd etilishicha, Nukus shahar IIO FMB 5-sonli IIB boshlig‘i, podpolkovnik A.Bekmuratovga Nukus shahar IIO FMB huzuridagi Tergov bo‘linmasi tomonidan Jinoyat kodeksining 168-moddasi (Firibgarlik) 2-qismi va 228-moddasi (Hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) 2-qismi bilan qo‘zg‘atilgan va tergov harakatlari olib borilayotgan jinoyat ishi bo‘yicha gumon qilinuvchi tariqasida jalb qilingan, Nukus shahrida yashovchi fuqaro A.I. o‘ziga nisbatan qo‘zg‘atilgan jinoyat ishini ijobiy hal qilib berish evaziga pora tariqasida 1 200 AQSH dollari taklif qilgan.
15 yanvar kuni fuqaro A.I. podpolkovnik A.Bekmuratovga o‘ziga nisbatan to‘plangan hujjatlarni ijobiy hal qilib berish evaziga taklif qilgan 1 200 AQSH dollaridan 300 AQSH dollarini pora tariqasida berayotgan vaqtida Qoraqalpog‘iston Respublikasi prokuraturasi, O‘zbekiston Respublikasi Ichki ishlar vazirligi O‘z xavfsizligi boshqarmasi Qoraqalpog‘iston Respublikasi bo‘yicha bo‘limi hamda jinoyat qidiruv boshqarmasi xodimlari tomonidan ashyoviy dalillar bilan qo‘lga olingan.
Holat yuzasidan Nukus shahar prokuraturasi tomonidan Jinoyat kodeksining 211-moddasi (Pora berish) 1-qismi bilan jinoyat ishi qo‘zg‘atilib, tergov harakatlari olib borilmoqda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Toshkent viloyatida ekologiya inspektorlari hujumga uchradi
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Gruziya Bosh vaziri AQSHga tashrif buyurishdan bosh tortdi
Har bir qizning orzusi: turk seriallaridagi eng chiroyli 4 ta to‘y
Shoygu Ukraina dronlariga qarshi qo‘llaniladigan yangi vositalar bilan tanishdi
Ukraina 300 mingta dron sotib olish uchun pul ajratadi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi