Foto: REUTERS
AQSH Davlat departamenti rahbari Maykl Pompeo 2−3 fevral kunlari O‘zbekistonda bo‘ladi. U Toshkentda prezident Shavkat Mirziyoyev bilan uchrashadi, shuningdek Markaziy Osiyo davlatlari tashqi ishlar vazirlari ishtirokidagi uchrashuvda qatnashadi.
AQSH Davlat kotibi Maykl Pompeo yanvar oyi oxirida Yevropa va Markaziy Osiyoga turne uyushtiradi. AQSH Davlat departamenti matbuot xizmati xabariga ko‘ra, u 29 yanvar kuni tashrifini Buyuk Britaniya poytaxti Londondan boshlaydi, 31 yanvar kuni Ukrainaga keladi, 1 fevral kuni Belarusda bo‘ladi. Shundan so‘ng u avval Qozog‘istonga, keyin O‘zbekistonga tashrif buyuradi.
Toshkentda Maykl Pompeo prezident Shavkat Mirziyoyev va tashqi ishlar vaziri Abdulaziz Komilov bilan uchrashadi.
Shuningdek, u O‘zbekiston, Qozog‘iston, Qirg‘iziston, Tojikiston va Turkmaniston tashqi ishlar vazirlari ishtirokidagi «Markaziy Osiyo — AQSH» formatidagi vazirlar uchrashuvida («C5 + 1») qatnashadi.
«Maykl Pompeo AQSHning Markaziy Osiyo bo‘yicha yangi strategiyasiga muvofiq mintaqa davlatlarini qo‘llab-quvvatlashini tasdiqlaydi», deyiladi Davlat departamenti xabarida.
Eslatib o‘tamiz, Pompeo Sharqiy Yevropa va Markaziy Osiyo bo‘ylab turnesi doirasida 5-6 yanvar kunlarida Toshkentga tashrif buyurishni rejalashtirgandi, ammo Yaqin Sharqda Eron bilan yuz bergan mojarolar tufayli bu tashrif noma’lum muddatga qoldirilgandi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Osvensimda minglab yahudiylar «Tiriklar marshi» aksiyasini o‘tkazdi
G‘azo aholisi HAMASning tinchlikka erishish yo‘lidagi qarorini nishonlash uchun ko‘chalarga chiqdi
Messi “dahshatli” ko‘rsatkich qayd etdi (video)
Poroshenko Rossiyada qidiruvga berilganiga javob qaytardi
Germaniyada Gebbelsning villasi istalgan odamga berib yuborilishi e’lon qilindi
Shomurodov navbatdagi uchrashuvda antiqa rekord o‘rnatadi
Ovqat yegingiz kelmasligi salomatlikdagi jiddiy o‘zgarishlar alomati bo‘lishi mumkin
Sobiq "Navbahor" murabbiyi o‘zbek va qozoq futboladigi farq haqida gapirdi