Avval qayerda va kim bo‘lib ishlamasin, bir marta «o‘tirib» chiqqan odam salkam yuristga aylanadi. Chunki, ishi tergov yoki sudga tushgan odam ilojsiz qonunlarni titkilaydi, advokat maslahatini oladi, «kesilib» ketsa-ku, «ichkari»da kodekslarni suv qilib ichvorishi mumkin.
Qismati bor ekan – ishtixonlik B.K. qamaldi. O‘zlashtirish-u firibgarlik ayblovi bilan. Ozodlikka chiqqach, unga-bunga bilganicha «huquqiy maslahatlar» berib yurdi. Kunlarning birida tanishi K. U. maslahatga keldi: menga qarashli yer maydoniga falonchi noqonuniy uy-joy va qo‘shimcha qurilmalar tiklab olibdi, nima qilish kerak?
B.K. avvaliga to‘g‘ri maslahat berdi: fuqarolik sudiga da’vo-ariza kiritish kerak. Biroq keyingi gapi ko‘pam to‘g‘ri emasdi: bunday ishlar shunchaki bitmaydi, «uzatish» lozim! Kimga? Qancha?
B. K. «hojatbaror» kimligini aytmadi, «yuqori» lavozimda ishlaydigan tanishim, deb qo‘ydi, xolos. Ammo «soqqa»ning aniq miqdorini aytdi: 8000 AQSH dollari!
Aytgan pulini naqd sanab oldi-yu ammo «ish» bitmadi. Yuraverdi «ana-mana», deb... Qachonki, pul bergan odam toqati toq bo‘lib, tegishli organga arz qilganidan so‘ng oldiga poxol solib ketilganini angladi. Pullarni B.K. o‘z ehtiyojlari uchun sarflab yuborgan ekan!
Bosh prokuratura matbuot xizmatining mahkama huzuridagi departament ma’lumotlariga tayanib xabar berishicha, ayni paytda B.K.ga nisbatan Jinoyat kodeksining tegishli moddalari bo‘yicha «ish» ochilgan. Hademay tergov harakatlari nihoyasiga yetib, «delo» sudga oshiriladi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
