Suv bosgan hududlarda 6 mingga yaqin turar joy ob’ektiga zarar yetgan

^{Foto: Davergeodezkadastr}
Sirdaryo viloyati Sardoba suv omborida ro‘y bergan suv toshqini natijasida suv bosgan hududlardagi turar va noturar ko‘chmas mulk ob’ektlari «Davergeodezkadastr» qo‘mitasi tomonidan o‘rganib chiqildi.

10 may holatiga ko‘ra, 10ta mahalla fuqarolar yig‘inining 20ta aholi yashash punktida jami 5 969ta turar va 277ta noturar joy ob’ektlari zararlanganligi aniqlandi. 5 969 turar joylarning 4 587tasi yakka tartibdagi uy joy, 1 337tasi ko‘p qavatli xonadon va 45tasi qurilishi tugallanmagan uy joylar.

Bildirilishicha, ushbu zararlangan turar va noturar joylarining kadastr hujjatlari va kadastr pasportlaridan 3 599tasiga dublikat hujjatlari ko‘chmas mulk egalari va foydalanuvchilariga taqdim etish uchun tayyorlandi.

«Suv toshqini oqibatida talafot ko‘rgan aholi uylarining kadastr hujjatlari bepul tayyorlab berilishi tashkil etildi», - deyiladi qo‘mita xabarida. “Zamin”ni Telegramʻda oʻqing!