“Sardoba ishi” bo‘yicha dastlabki xulosalar e’lon qilinadi

Bugun, 16 may kuni soat 11.15 da Xalqaro press-klub Guliston shahridan to‘g‘ridan-to‘g‘ri efirga chiqadi.
Xalqaro press-klubning mazkur sayyor sessiyasi 1 may kuni Sardoba toshqini va ayni paytda halokat oqibatlarini yumshatish hamda bartaraf etish borasida qilinayotgan ishlar sarhisobiga bag‘ishlanadi.

@platformauzb kanali insayderi bergan ma’lumotga ko‘ra, quyidagi mansabdorlar tadbir spikeri sifatida ishtirok etishadi:
- moliya vaziri Temur Ishmetov;
- mahalla va oilani qo‘llab-quvvatlash vaziri Rahmat Mamatov;
- iqtisodiy taraqqiyot va kambag‘allikni qisqartirish vazirining birinchi o‘rinbosari Ilhom Norqulov;
- qurilish vazirining birinchi o‘rinbosari Sherzod Hidoyatov;
- investitsiyalar va tashqi savdo vazirining birinchi o‘rinbosari Aziz Voitov;
- qishloq xo‘jaligi vaziri o‘rinbosari Shuhrat Teshayev;
- suv xo‘jaligi vaziri o‘rinbosari Vohidjon Ahmadjonov;
- uy-joy-kommunal xo‘jalik vaziri o‘rinbosari Nazirjon Nazirov;
- Prezident maslahatchisi o‘rinbosari – Yoshlar ittifoqi raisi Alisher Sa’dullayev;
- mudofaa vazirining matbuot kotibi – axborot siyosati masalalari bo‘yicha maslahatchisi Bahrom Zulfiqorov.

Shuningdek, Bosh prokurorning matbuot kotibi – axborot siyosati masalalari bo‘yicha maslahatchisi Hayot Shamsuddinov ham spiker sifatida qatnashishi va “Sardoba ishi” bo‘yicha dastlabki xulosalarni e’lon qilishi kutilmoqda. “Zamin” yangiliklarini “Odnoklassniki”da kuzatib boring