Toshkentda 29 iyun koronavirusga chalingani qayd etilgan 72 yoshli bemor 8 iyul kuni vafot etdi.
Sog‘liqni saqlash vazirligi Toshkentda 72 yoshli bemor koronavirusdan vafot etgani haqida xabar berdi.
«Mirobod tumanida yashovchi 72 yoshli L.S. (ayol) 29 iyundan 1-son Respublika klinik shifoxonasida Covid-19 infeksiyasining o‘ta og‘ir kechishi, ikki tomonlama pnevmoniyaning o‘ta og‘ir kechishi, nafas yetishmovchiligining 3-darajasi, surunkali yurak qon-tomir yetishmovchiligi tashxisi bilan davolanib kelgan.
Shuningdek, bemor bundan avval yurak ishemik kasalligi, zo‘riquvchi stenokardiya, gipertoniya kasalligining 3-darajasi, qandli diabetning 2-turi (insulinga muhtoj), diabetik nefropatiya, angiopatiya, retinopatiya, polineyropatiya, yog‘li gepatozning 2-darajasi, surunkali pankreatit bilan davolanib yurgan va nazoratda turgan.
Dinamikada bemorning holati og‘irlashganligi sababli 4 iyul kuni u Virusologiya ilmiy-tekshirish instituti klinikasiga o‘tkazilgan. Klinikada bemor bir necha marta Sog‘liqni saqlash vazirligi mutaxassislari tomonidan konsultatsiya qilingan, davolash jarayoni mutaxassislar tavsiyasi asosida olib borilgan.
Biroq shifokorlar tomonidan standartlar asosida o‘tkazilgan reanimatsion muolajalarga qaramasdan bemor o‘tkir yurak qon-tomir va nafas yetishmovchiligidan vafot etdi», deyiladi Sog‘liqni saqlash vazirligi Jamoatchilik bilan aloqalar bo‘limi xabarida.
Shu tariqa bugun O‘zbekistonda koronavirus tufayli jami 5ta o‘lim holati qayd etildi va bu koronavirus pandemiyasi davridagi eng yuqori ko‘rsatkichdir. Kun davomida Toshkentda 3, Qoraqalpog‘iston va Navoiyda bittadan holat qayd etildi va jami o‘lim holatlari soni 45taga yetgan.
Shu vaqtgacha Toshkentda 27, Namanganda 4, Samarqandda 3, Buxoro, Surxondaryo, Jizzax va Navoiyda 2tadan, Farg‘ona, Qashqadaryo va Qoraqalpog‘istonda bittadan o‘lim ro‘y berdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Moskva aeroportlarida 1000 ga yaqin tojikistonlik qolib ketdi
Yashirin iqtisodiyot bo‘yicha qaror loyihasi Tadbirkorlik kengashi takliflari asosida qayta ko‘rib chiqiladi
Keniyada to‘g‘on buzilishi oqibatida 42 kishi halok bo‘ldi
Saudiyadagi sammitda Isroil va Hamas o‘rtasida muzokaralarni tiklashga harakat qilinmoqda
Gaaga sudi Isroil harakatlarini tekshiruvdan o‘tkazmoqda
Ro‘ziqul Berdiyev: "Kubok o‘yinlari davomida yigitlarda kuchli ishtiyoq sezmadim"
Timur Kapadze Indoneziyaga qarshi kechadigan yarim final bahsidan oldin nimalar dedi?