08:30 / 12.12.2020
4 412

Prokuror Shavkat Mirziyoyevga video murojaat yo‘lladi

Prokuror Shavkat Mirziyoyevga video murojaat yo‘lladi
Videolavhadan skrinshot
Ijtimoiy tarmoqlarda o‘zini Buxoro shahri prokurori Jasur Fozilov deya tanishtirgan shaxsga tegishli video murojaat tarqaldi.

Murojaatda prokuror unga nisbatan xizmat tekshiruvi o‘tkazilayotgani va qanday qonunbuzilishlar aniqlansa, bunga javob berishini aytib, respublika bosh prokurori va uning uch nafar xodimiga aloqador jinoyatlar hamda boshqa ma’lumotlarni fosh etmoqchiligini ma’lum qilgan.

Ko‘p o‘tmay, holat yuzasidan Bosh prokuratura rasmiy bayonot berdi.

Qayd etilishicha, Bosh prokuratura tomonidan Buxoro shahridagi tadbirkorning Buxoro shahar prokurori J.Fozilovning noqonuniy xatti-harakatlari haqidagi arizasi tekshirilmoqda.

Muallif arizasida shahar prokurori J.Fozilovning tazyiqi bilan Buxoro shahrida qurgan yirik savdo majmuasidan 1 metr kvadratining haqiqiy narxi 20 mln. so‘m bo‘lgan savdo do‘konini unga 5 mln. so‘mdan sotganligini, oradan bir yil o‘tib, ya’ni 2020 yil oktabr oyida shu narxdan yana bitta do‘konni sotishini talab qilganligini, rad javobini berganligi uchun J.Fozilov uni tergovga chaqirib, javobgar qilish bilan qo‘rqitayotganligini bildirgan.

Ushbu holat bo‘yicha J.Fozilovga nisbatan xizmat tekshiruvi tayinlanib, tekshiruvning xolisona va adolatli o‘tkazilishini ta’minlash, ish holatlariga to‘liq oydinlik kiritish, har qanday aralashuv va ta’sirlarning oldini olish maqsadida u 2020 yil 2 dekabr kuni xizmat vazifalarini bajarishdan vaqtincha ozod qilingan.

«Tekshirish davomida arizada keltirilgan barcha vajlar, shu jumladan J.Fozilovning 2020 yil 11 dekabr kuni ijtimoiy tarmoqlardagi bayonotida bildirgan holatlarga to‘liq va haqqoniy baho beriladi.

Shu bilan birga, Bosh prokuratura murojaat va bayonotda bildirilgan barcha masalalar bo‘yicha shaffof va oshkora o‘rganish o‘tkazilishini, bunda jamoatchilik nazoratini ta’minlash uchun doimiy hamkorlikka tayyorligini ma’lum qiladi. Tekshirish natijasi bo‘yicha qo‘shimcha ravishda ma’lumot beriladi
», deyiladi bayonotda.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Jamiyat » Prokuror Shavkat Mirziyoyevga video murojaat yo‘lladi