2 579
«Agar cheklovlarga rioya qilmasak, karantin kuchaytirilishi mumkin» — Bahodir Yusupaliyev
Agar o‘zbekistonliklar zarur sanitariya qoidalariga rioya qilmasa, mamlakatda karantinni kuchaytirish choralari ko‘rib chiqilishi mumkin. Bu haqda Sanitariya-epidemiologik osoyishtalik va jamoat salomatligi xizmati boshlig‘i Bahodir Yusupaliyev ma’lum qildi.
«Koronavirusga qarshi kurash davom etmoqda, yangi kasallanish holatlari, yangi shtammlar paydo bo‘lmoqda. Shuning uchun men O‘zbekiston aholisini joriy etilgan cheklovlar — niqob taqish, masofa saqlash, antiseptiklardan foydalanishga rioya qilishga chaqirmoqchiman», — degan u «O‘zbekiston 24» telekanali efirida.
Uning aytishicha, koronavirusning barcha yangi turlari chetdan kirib kelmoqda.
«Respublika fuqarolariga murojaat qilib, ulardan zarurat bo‘lmasa, koronavirusning yangi turlari aniqlangan mamlakatlarga sayohatga bormasliklarini so‘rayman. Agar respublikada joriy qilingan cheklov choralariga birgalikda amal qilmasak, zaruratsiz boshqa davlatlarga chiqsak, karantin choralari kuchaytirilishi va O‘zbekistonda aviaqatnovlarga cheklovlar qo‘yilishi mumkin», — dedi u.
Eslatib o‘tamiz, 24 yanvar kuni ijtimoiy tarmoqlarda koronavirusning yangi shtammi O‘zbekistonda ham aniqlangani, bu kasallik oldingisidan-da og‘ir kechishi, fevral oyida karantin qaytishi to‘g‘risidagi audio tarqalgandi. Koronavirusga qarshi kurashish shtabi a’zosi Nurmat Otabekov bu mish-mishlar o‘rinsiz ekanligini, lekin shu bilan birga ehtiyot choralarini susaytirmaslik kerakligini aytgandi.
30 yanvar kuni koronavirusning «britancha» shtammi O‘zbekistonga kirib kelgani ma’lum bo‘ldi. U 23 yanvar kuni Dubaydan qaytib kelgan 10 yoshli qizchada aniqlangan. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Internet-qaroqchilik. Buning uchun qanday javobgarlik bor?
Iordan daryosi G‘arbiy sohilida falastinlik talabalar nemis diplomatini tadbirdan quvib chiqardi
Andijonda kelin erining uyidan seplarini MIB orqali qaytarib oldi
Saudiya Arabistoni valiahd shahzodasi Falastin prezidenti bilan uchrashuv o‘tkazdi
Timur Kapadze tarixiy natija qayd etilganidan so‘ng nimalar dedi?
O‘zboshimchalik bilan qurilgan noqonuniy qurilmalar uzoqqa bormaydi
Donald Tramp sudga hurmatsizlik qilgani uchun jarimaga tortildi