Humo qushi, karvon, donishmand qariya — Namanganda ko‘kka 500 ta dron uchirildi

Kecha oqshom gullar shahrida ilk bor tashkil etilgan dron-shou tomoshalari ko‘pchilikni «Afsonalar vodiysi» tematik bog‘iga chorladi. Viloyat hokimligi va Kadastr agentligining «Geoinnovatsiya markazi» hamkorligida uyushtirilgan ko‘ngilochar tadbirda 500 ta dron ishtirok etdi.

Ilg‘or texnika yordamida hosil qilingan manzaralar to‘planganlarni hayratga soldi. Humo qushi, tuyalar karvoni, tarixiy obidalar, donishmand qariya timsollarida gavdalantirilgan 8 ta shakl shular jumlasidan.

Shu kuni boqqa to‘plangan tomoshabinlar uchun katta konsert dasturi ham namoyish etildi.

“Zamin”ni Telegramʻda oʻqing!