Shifokor ozdiruvchi mahsulotlarni sanab berdi

^{Foto: «RIA Novosti»}
Rossiyada Vinogradov nomli shifoxonasining klinik diyetologiya bo‘limi boshlig‘i, tibbiyot fanlari nomzodi, terapevt Yuliya Pigareva ozishga yordam beradigan mahsulotlarni sanab o‘tdi. Bu haqda u «Praym» agentligiga ma’lum qilgan.

Uning so‘zlariga ko‘ra, yog‘li dengiz baliqlari, zaytun yog‘i va avokado yog‘ almashinuvini yaxshilashga va tana vaznini kamaytirishga yordam beradi. Biroq ularni ko‘p miqdorda iste’mol qilish, aksincha, vazn ortishiga olib keladi, deya ogohlantirdi shifokor.

Ekspertning qo‘shimcha qilishicha, ozdiruvchi oziq-ovqat mahsulotlari hisoblangan qahva, ananas va ko‘k choy aslida bunday natija bermaydi. Diyetadagi odam taomnomasi murakkab uglevodlar, to‘g‘ri yog‘lar, oqsil va kletchatkani o‘z ichiga olishi kerak, deya xulosa qildi Pigareva.

Avvalroq britaniyalik diyetolog Maykl Mosli kam yeyish va tezroq vazn yo‘qotish usullarini aytib o‘tgan edi. Xususan, uning aytishicha, vazn yo‘qotishning asosiy dushmanlaridan biri bu uyda zararli taomlarning mavjudligi. Shifokorning fikriga ko‘ra, iroda kuchi juda yuqori baholanadi va agar odam o‘z kvartirasida zararli va mazali taomlar borligini bilsa, u ularni yeyishi mumkin. Mutaxassisning fikriga ko‘ra, vazn yo‘qotish uchun eng xavfli vaqt ishdan keyin kechqurun, biz dam olishga va film yoki serial tomosha qilishga qaror qilganimizda keladi. “Zamin” yangiliklarini “Facebook”da kuzatib boring