Buxoro viloyati Ichki ishlar boshqarmasi, DXX hamda Bojxona boshqarmalari xodimlari tomonidan o‘tkazilgan navbatdagi tezkor tadbir davomida, Buxoro shahar Piridastgir ko‘chasida yashovchi, 1993 yilda tug‘ilgan I.S. ismli shaxs tanishiga 4 dona poliyetilen bo‘lagiga alohida qadoqlangan holdagi, viloyat Ichki ishlar boshqarmasi Ekspert kriminalistika bo‘limining sudga oid kimyoviy ekspertiza xulosasiga ko‘ra sof vazni 3,73 grammga teng bo‘lgan ko‘p miqdordagi «gashish» giyohvandlik vositasini 6.000.000 (olti million) so‘mga baholab sotayotgan vaqtida qo‘lga olingan.
Olib borilgan surishtiruv harakatlari davomida gumon qilinuvchi I.S. xaridorga «Tropikamid» va «Regapen» nomli kuchli ta’sir qiluvchi dori vositalarini ham yetkazib berishi lozimligi va ushbu psixotrop moddalar Toshkent shahridan yetib kelishi kutilayotganligi ma’lum bo‘lgan.
Shundan so‘ng tezkor tadbir davom ettirilib, G‘ijduvon tumani «Sarmijon» YPX maskanida «Toshkent-Buxoro» yo‘nalishida harakatlanib kelgan Q.A. boshqaruvidagi oq rangli «Malibu» rusumli avtomashina to‘xtatilib xolislar ishtirokida ko‘zdan kechirilganda, avtomashina salonidan jami 472 (to‘rt yuz yetmish ikki) dona «Tropikamid» yozuvli va har birida 14 donadan bo‘lgan 119 (bir yuz o‘n to‘qqiz) pachkadagi, 1666 (bir ming olti yuz oltmish olti) dona «Regapen» yozuvli kuchli ta’sir qiluvchi dori vositalari borligi aniqlanib, tegishli tartibda hujjatlashtirib olingan.
«Malibu» avtomashinasi haydovchisi Q.A. ushbu dori vositalarini Toshkent shahridan o‘ziga notanish shaxsdan qabul qilib olib, Buxoro shahrida yashovchi I.S. ga yetkazib berishi lozimligi ma’lum bo‘lgan.
Bundan tashqari tezkor tadbir davomida gumon qilinuvchi I.S.ning yonidan bir pachkada 14 dona «PERGE pregabolin» yozuvli kuchli ta’sir qiluvchi dori vositasi ham borligi aniqlanib, barcha ashyoviy dalillar tegishli tartibda hujjatlashtirib olingan.
Mazkur holat yuzasidan O‘zbekiston Respublikasi Jinoyat kodeksining 273-moddasi 5-qismi bilan jinoyat ishi qo‘zg‘atilib, gumon qilinuvchilar qamoqqa olingan holda dastlabki tergov harakatlari olib borilmoqda. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Kreml Ukraina bo‘yicha muzokarada shartlar qo‘yishga urinmoqda
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Yaxshi pishgan va mazali anor tanlashga yordam beradigan tavsiyalar
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
