Foto: Korrupsiyaga qarshi kurashish agentligi
18 yanvar kuni Oliy Majlis Qonunchilik palatasining navbatdagi yalpi majlisida “O‘zbekiston Respublikasining Ma’muriy javobgarlik to‘g‘risidagi kodeksiga qo‘shimchalar kiritish haqida”gi qonun loyihasi ko‘rib chiqildi.
Loyihani Korrupsiyaga qarshi kurashish agentligi ishlab chiqqan. Majlisda agentlik direktori Akmal Burhonov so‘zga chiqdi. Burhonovning matbuot xizmati bergan ma’lumotga ko‘ra, Ma’muriy javobgarlik to‘g‘risidagi kodeksga 215(7)-modda va 245(10)-moddalarni qo‘shish taklif etilyapti.
Foto: Korrupsiyaga qarshi kurashish agentligi
215(7)-moddada davlat hokimiyati va boshqaruvi organlari faoliyatining ochiqligi to‘g‘risidagi qonunchilikni buzish, jumladan ochiq ma’lumot sifatida joylashtirilishi kerak bo‘lgan ijtimoiy ahamiyatga molik ma’lumotlar ro‘yxatiga kiritilgan ma’lumotlarni e’lon qilmaslik yoki to‘liq e’lon qilmaslik, e’lon qilish muddati va tartibini buzish yoki ma’lumotlarni noto‘g‘ri ko‘rsatganlik uchun javobgarlik belgilanadi.
245(10)-moddaga asosan, Korrupsiyaga qarshi kurashish agentligi mansabdor shaxslariga mazkur huquqbuzarlik aniqlangan taqdirda ma’muriy huquqbuzarlik to‘g‘risida bayonnoma tuzish va sudga taqdim etish vakolati beriladi.
Huquqbuzarlik uchun mansabdor shaxslarga BHMning 3 baravaridan 5 baravarigacha (810 ming so‘mdan 1,3 mln so‘mgacha), xuddi shunday huquqbuzarlik bir yil davomida takroran sodir etilsa, mansabdor shaxslarga BHMning 5 baravaridan 10 baravarigacha (1,3 mln. so‘mdan 2,7 mln. so‘mgacha) miqdorda jarima qo‘llash taklif etilyapti.
Eslatib o‘tamiz, “Davlat hokimiyati va boshqaruv organlari faoliyatining ochiqligi to‘g‘risida”gi qonunning 22-moddasida davlat hokimiyati va boshqaruvi organlari faoliyatining ochiqligi to‘g‘risidagi qonun hujjatlarini buzganlik uchun belgilangan tartibda javobgar bo‘lishi yozilgan. Lekin amalda bunaqa tartib yo‘q.
Qonunchilikdagi bo‘shliq mazkur qonun loyihasi bilan to‘ldirilmoqda.
Qonunchilik palatasi deputatlari qonun loyihasini ikkinchi o‘qishda qabul qildi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Har qanday katta yoshdagi kishi yetuk emas
AQSH harbiylari orasida o‘z joniga qasd qilish ko‘paydi
Erdo‘g‘on Turkiya Isroil bilan aloqalarini uzganini ma’lum qildi
Yaxshi pishgan va mazali anor tanlashga yordam beradigan tavsiyalar
Pashinyan Armanistonning Mustaqillik deklaratsiyani eng katta muammo va fojia deb atadi
Borrel YEIning Isroil bilan muloqotini to‘xtatishni taklif qildi
AQSH Isroilning ikki vaziriga sanksiya qo‘llamoqchi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
