Bozorlardagi oziq-ovqat mahsulotlarining narxlari ma’lum qilindi

Davlat statistika qo‘mitasi 9 fevral kungi hududiy markaziy dehqon bozorlarida o‘tkazilgan kuzatuv natijalari bo‘yicha alohida turdagi oziq-ovqat mahsulotlarining minimal-maksimal narxlarini e’lon qildi.

Unga ko‘ra, o‘rganilgan vaqt davomida asosiy oziq-ovqat mahsulotlari narxi quyidagicha:
suyakli mol go‘shti (1 kilogramm) — 45 000-68 000 so‘m;
qo‘y go‘shti (1 kilogramm) — 52 000-80 000 so‘m (27 yanvar holatiga ko‘ra, 54 000-80 000 so‘m);
kartoshka (1 kilogramm) — 3 500-7 000 so‘m (3 000-8 000 so‘m);
piyoz (1 kilogramm) — 1 500-4500 so‘m (1 500-4000 so‘m);
sabzi (1 kilogramm) — 1 000-5 000 so‘m;
tuxum (10 dona) — 6 000-14 000 so‘m;
guruch (1 kilogramm) — 5 000-17 500 so‘m;
o‘simlik yog‘i (1 litr) — 13 600-24 000 so‘m (14 000-24 000 so‘m);
shakar (1 kilogramm) — 7 900-10 500 so‘m (7 500-10 500 so‘m).

Bunda faqatgina dehqon bozorlari hududidagi oziq-ovqat mahsulotlari narxlari hisobga olingan. Supermarket, minimarket, do‘konlardagi narxlar inobatga olinmagan. “Zamin” yangiliklarini “Facebook”da kuzatib boring