O‘zbekiston musulmonlari idorasi Fatvo markazining 2022 yilgi zakot nisobi, fitr sadaqa va fidya miqdori bo‘yicha qarori e’lon qilindi.
2022 yil uchun zakot nisobini (85 gramm tilladan) 34 million so‘m deb belgiladi. Mazkur qiymatning qirqdan biri (1/40), ya’ni zakot uchun chiqariladigan qismi 850 ming so‘mga teng bo‘ladi.
«Shunga ko‘ra, zarur ehtiyojdan tashqari bir yil davomida 34 million so‘m va undan ortiq mablag‘ga ega bo‘lgan musulmon kishi jami mablag‘ining qirqdan birini hisoblab, uni zakot niyatida kambag‘al va faqirlarga beradi», — deyiladi qarorda.
Shuningdek, fitr sadaqasining miqdori bug‘doydan yarim so‘m (2 kilogramm), arpadan bir so‘m (4 kilogramm), mayizdan yarim so‘m (2 kilogramm) va xurmodan bir so‘m (4 kilogramm)ni tashkil etadi.
Shunga ko‘ra, fitr sadaqasining miqdori:
- bug‘doydan 2 kilogramm 10 ming so‘m;
- arpadan 4 kilogramm 16 ming so‘m;
- mayizdan 2 kilogramm 100 ming so‘m;
- xurmodan 4 kilogramm 160 ming so‘m deb belgilandi.
«Har kim o‘z imkoniyatiga qarab ushbu to‘rt mahsulotning xohlagan bir turidan fitr sadaqasini bersa kifoya qiladi», — deyiladi qarorda.
Fidya miqdori bir miskinning bir kunlik oziq-ovqati qiymatida bo‘lib, bugungi kunda bu o‘rtacha 25 ming so‘mga to‘g‘ri kelganidan, bu yilgi fidya miqdori bir kun uchun 25 ming so‘m deb belgilandi.
Ta’kidlanishicha, mazkur qiymatlar Toshkent shahar bozorlaridagi narxga asosan belgilangan bo‘lib, har bir viloyat o‘z bozorlaridagi narxga qarab fitr sadaqasini belgilaydi.
2022 yil uchun zakot miqdori1, 2022 yil uchun fitr sadaqa1, Zakot1, Fitr sadaqa va fidya miqdori1 “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Erdo‘g‘on Turkiya Isroil bilan aloqalarini uzganini ma’lum qildi
Immunitetni ko‘tarish uchun 6 ta eng yaxshi vitamin
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Revanshda g‘alaba qozonish uchun Tayson Fyuriga nima kerak?
Shavkat Mirziyoyev Saudiya Arabistoni energetika vazirini qabul qildi
1 dekabrdan ichimlik va oqova suv uchun to‘lov faqat elektron shaklda amalga oshiriladi
Shols «tez orada» Putin bilan gaplashishga tayyorligini ma’lum qildi
