Davlat xavfsizlik xizmatining Buxoro viloyati bo‘yicha boshqarmasi tomonidan giyohvand moddalarning noqonuniy aylanmasiga qarshi kurashish doirasida o‘tkazilgan tezkor-qidiruv tadbirlari natijasida, bir guruh og‘ufurushlar faoliyatiga chek qo‘yildi.
Xususan, narkotik moddalar savdosi bilan shug‘ullanib kelgan, Qorako‘l tumanida yashovchi, 1983 y.t. fuqaro ko‘p miqdordagi giyohvandlik vositasini sotmoqchi ekanligi to‘g‘risida ma’lumotlar olinib, tezkor tadbir rejasi ishlab chiqildi va narkosavdogar kuzatuvga olindi.
Qorako‘l tumani Tayqir MFY hududidan o‘tuvchi yo‘l yoqasida u 1 kg. 681 gr. «opiy» moddasini 1959 y.t., muqaddam sudlangan shaxsga 9.100 AQSH dollariga sotgan vaqtida, ularning har ikkisi ham qo‘lga olindi.
Shuningdek, dastlabki surishtiruv harakatlari davomida, og‘ufurush kelgusida sotish maqsadida yashash xonadonining tomorqasiga 1 kg. 68 gr. «opiy» moddasini yashirib qo‘yganligi ma’lum bo‘lib, u ham xolislar ishtirokida protsessual tartibda rasmiylashtirib olindi.
O‘z navbatida, musodara etilgan giyohvandlik vositalari afg‘onistonlik narkokurerlar tomonidan keltirilganligi to‘g‘risida ma’lumotlar olinib, Xizmat xodimlari hamda viloyat bojxona va ichki ishlar boshqarmalari xodimlari hamkorligida tezkor tadbirning ikkinchi bosqichi amalga oshirildi.
Natijada, 1971 yil Afg‘onistonning Balx viloyatida tug‘ilgan Afg‘oniston fuqarosi 940 gr. «opiy» moddasini Buxoro shahriga olib kelib, 2.500 AQSH dollariga sotgan vaqtida qo‘lga olindi.
Ta’kidlash lozimki, ushbu giyohvandlik vositasi boshqa afg‘on narkokur’erlari tomonidan bojxona nazoratidan yashirib, mamlakatimiz hududiga olib o‘tilgan.
O‘tkazilgan tezkor tadbirlar natijasida jami 3 kg. 689 gr. «opiy» moddasi musodara qilindi.
Hozirda Davlat xavfsizlik xizmatining Buxoro viloyati bo‘yicha boshqarmasi Tergov bo‘limi tomonidan har uchchala fuqaroga nisbatan Jinoyat Kodeksining 273-moddasi 5-qismi bilan jinoyat ishi qo‘zg‘atilib, tergov harakatlari olib borilmoqda. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
NATO bosh kotibi Ukrainaning frontdagi ahvoli yomonlashganini tan oldi
Har qanday katta yoshdagi kishi yetuk emas
Erdo‘g‘on Turkiya Isroil bilan aloqalarini uzganini ma’lum qildi
Borrel YEIning Isroil bilan muloqotini to‘xtatishni taklif qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Blinken Isroildan uchta muammoni hal etishni talab qildi
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Britaniya muzeyi mamlakat tarixidagi eng qimmat sovg‘aga ega bo‘ladi
