“Tinchlik o‘rnatuvchi” seriali 2-fasli uchun birinchi tizer treyleri taqdim etildi

DC Studios tomonidan mashhur bo‘lgan “Tinchlik o‘rnatuvchi” (Peacemaker) seriali muxlislari uchun ajoyib yangilik bor. Serialning ikkinchi mavsumi uchun ilk tizer treyleri omma e’tiboriga havola qilindi.

Serialning yangi faslidagi barcha sakkiz epizod mashhur rejissyor va ssenariy muallifi Jeyms Gunn tomonidan yozilgan. Shuningdek, u mazkur mavsumning uchta epizodini, jumladan birinchi qismini shaxsan o‘zi rejissyorlik qilgan.

Ikkinchi mavsumda muxlislar sevib qolgan aktyorlar – Jon Sina, Daniyell Bruks, Jennifer Xolland, Freddi Stroma, Stiv Eyji va Robert Patrik o‘z rollariga yana qaytishadi. Undan tashqari, yangi mavsumga Frank Grillo, Devid Denman, Sol Rodriges va Tim Meadouz kabi yangi iste’dodlar ham qo‘shilishgan.

Serial syujeti va yangi mavsumdagi voqealar tafsilotlari hozircha sir saqlanmoqda, biroq bu davom muxlislarga yanada qiziqarli va jozibali voqealarni taqdim etishi kutilmoqda.

“Tinchlik o‘rnatuvchi” serialining ikkinchi mavsumi HBO Max telekanalida 21 avgust kuni ilk bor namoyish etiladi. “Zamin”ni Telegramʻda oʻqing!