O‘zbekiston sportining faxri, xalqaro arenalarda yurtimiz nomini baland ko‘tarayotgan paralimpiyachi Asila Mirzayorova haqida eng e’tiborga molik 5 ta fakt:
1. Asila Mirzayorova 1999 yil 3 iyul kuni Qashqadaryo viloyati, Qarshi shahrida tug‘ilgan. Oilada besh nafar farzandning to‘rtinchisi bo‘lgan Asila kichikligidan sportga mehr qo‘ygan va faol, quvnoq qizaloq sifatida tanilgan.
2. Yoshligida yuz bergan baxtsiz hodisa oqibatida Asila ko‘rish qobiliyatidan mahrum bo‘lgan. Ammo bu holat uni sindirmadi — aksincha, u o‘zini sportga bag‘ishlab, yangi hayot yo‘lini boshladi.
3. Asila paralimpiya sportiga kirib kelganiga bor-yo‘g‘i 8 yil bo‘lgan. Ammo qisqa vaqt ichida u tarix yaratishga muvaffaq bo‘ldi.
2024 yil Parij paralimpiadasida uzunlikka sakrash bo‘yicha 5,22 metr natija ko‘rsatib, 28 yillik rekordni yangiladi va dunyo rekordchisi sifatida oltin medalni qo‘lga kiritdi. Bu yutuq nafaqat uning, balki butun O‘zbekistonning faxriga aylandi.
4. Yaqinda Asila ukasining to‘yi munosabati bilan unga yangi uy hadya qildi. Sportchi bu sovg‘ani ukasining doimiy yordami, sodiq ko‘magi va cheksiz qo‘llab-quvvatlashi uchun minnatdorlik ramzi sifatida taqdim etdi.
5. 2025 yil 22 noyabr kuni Asila Mirzayorova qiz farzandli bo‘ldi. U qiziga “Rihana” deb ism qo‘ydi. Bu xushxabar sportchini tabriklovchi muxlislar orasida keng tarqaldi va ko‘plab samimiy tilaklarga sabab bo‘ldi.
“Zamin”ni Telegramʻda oʻqing!
Mehmon guruhidagi foydalanuvchilar ushbu nashrga izoh qoldira olmaydi.
