O‘zbek estradasining taniqli vakillaridan biri Alisher Fayz o‘zining mashhurlikka erishish yo‘li haqida samimiy fikrlarini bildirib o‘tdi. Ko‘pchilik uni elga tanitgan qo‘shiq qaysi ekaniga qiziqadi. Biroq xonanda bu savolga kutilmagan tarzda javob berdi.
Uning aytishicha, mashhurlikni aniq bir qo‘shiq bilan bog‘lash to‘g‘ri emas. “Men u taronadan keyin mashhur bo‘ldim demayman. Ustozimning eshiklarini — ya’ni Ozodbek Nazarbekovning eshiklarini taqillatib borganimdan keyin, ‘hop’ deb meni shogirdlikka qabul qilgan kunlari men allaqachon mashhur bo‘lib bo‘lganman. Faqat undan keyin yo‘l-yo‘riq ko‘rsatildi”, — deya ta’kidlaydi san’atkor.
Bu fikrlar Alisher Fayzning ijod yo‘lida ustoz-shogird an’anasiga qanchalik katta ahamiyat berishini ko‘rsatadi. Uning nazarida haqiqiy muvaffaqiyat — bu nafaqat qo‘shiq, balki to‘g‘ri yo‘l, tajriba va ustozdan olingan saboqlarga ham chambarchas bog‘liq.
“Zamin”ni Telegramʻda oʻqing!
