15:30 / 02.12.2014
8 485

Surxondaryoda valyuta oldi-sotdisi bilan noqonuniy shug‘ullanuvchilar qo‘lga olindi

Surxondaryoda valyuta oldi-sotdisi bilan noqonuniy shug‘ullanuvchilar qo‘lga olindi
Soliq va valyutaga oid jinoyatlarga qarshi kurashish departamentining Surxondaryo viloyati boshqarmasi tomonidan bir qancha qonun buzilishi holatlariga chek qo‘yildi, deb xabar bermoqda «Huquq» gazetasi.

Departamentning Sho‘rchi tuman bo‘limi xodimlari tomonidan olingan tezkor ma’lumotga asosan «Sho‘rchi−Toshkent» yo‘nalishi bo‘yicha harakatlanib ketayotgan Nexia rusumli avtomashina kuzatuvga olinib, Boysun tumani «Darband» YPX maskanida departamentning Surxondaryo viloyat boshqarmasi va boshqa huquqni muhofaza qiluvchi organlar xodimlari bilan hamkorlikda to‘xtatilib, xolislar ishtirokida ko‘zdan kechirilganda, fuqaro Sh. Hoshimovning yon cho‘ntagida 21 ming 300 AQSh dollari borligi aniqlandi va ashyoviy dalil sifatida olib qo‘yildi.

Ushbu holat yuzasidan olib borilgan tergovoldi tekshiruv harakatlari davomida Sh. Hoshimov 21 ming 300 AQSh dollaridan 8 ming 300 dollarini fuqarolardan kelgusida muomalaga kiritish uchun sotib olganligi va 13 ming dollari esa muntazam valyuta savdosi bilan qonunga xilof ravishda shug‘ullanuvchi fuqaro B. Valievga tegishli ekani aniqlandi. Qonunbuzarlarning ushbu valyutalarni sotish uchun Toshkent shahriga olib ketayotganligi ma’lum bo‘ldi.

Shuningdek, sho‘rchilik B. Sherxanov va B. Mamatovlar tadbirga jalb qilingan fuqaroga har 100 AQSh dollarini 288 ming 800 so‘mdan hisoblab, 9500 AQSh dollarini 27 mln. 436 ming so‘mga sotgan vaqtida ushlandi.

Mazkur holatlar yuzasidan sud o‘zining odilona hukmini o‘qidi. Olingan barcha valyuta qimmatliklari davlat egaligiga o‘tkazilib, jinoyat uchun jazo muqarrarligi ta’minlandi.

Foto: Motto.net.ua
Tekst: Daryo.uz

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » Surxondaryoda valyuta oldi-sotdisi bilan noqonuniy shug‘ullanuvchilar qo‘lga olindi
[/banner_pushhouse