O‘zbekistonda shahar va qishloq joylarda qanchadan aholi yashashi ma’lum qilindi

\O‘zbekistonda 2022 yilning 1 iyul holatiga 1 kilometr kvadrat yer maydoniga o‘rtacha 79,3 nafar doimiy aholi soni to‘g‘ri keladi. Bu haqda Davlat statistika qo‘mitasi xabar qildi.

Bu esa o‘tgan yilning mos davriga nisbatan solishtirilganda 1,7 kishiga ortgan. 2021 yil 1 iyul holatiga 1 kvadrat kilometrga 77,6 kishi to‘g‘ri kelgan.

2022 yilning 1 iyul holatiga respublikamizning doimiy aholisi 35 603 443 kishini tashkil etmoqda.

• shahar joylarda – 18 million 117 ming kishi;
  
• qishloq joylarda – 17 million 486,4 ming kishi.