Mart oyi tugadi. O‘tgan yilning mart oyi anomal nam bo‘lgan edi, bu yilning mart oyi esa nisbatan quruq bo‘ldi, deb yozmoqda “O‘zgidromet”.
O‘zbekistonda aprel oyida yog‘ingarchilikning sezilarli miqdori yog‘adi, aprel yilning eng nam oylaridan biridir. Respublika shimolida, chekka janubida va cho‘l hududlarida oy uchun o‘rtacha yomg‘irli kunlar soni 5 kundan 8 kungacha, tog‘larga yaqin joylarda yog‘ingarchilik 9-13 kungacha kuzatiladi.
Bu yil aprel oyida o‘rtacha havo harorati me’yor atrofida, ba’zi joylarda o‘rtacha yillik qiymatlardan biroz ko‘p bo‘ladi. Aprel oyida yog‘ingarchilik kam, ba’zi joylarda me’yor atrofida bo‘lishi kutilmoqda.
Oy quruq va iliq ob-havo bilan boshlanadi. 1 aprel kuni O‘zbekistonning barcha hududlari bo‘yicha havo kam bulutli bo‘ladi, kunduzgi harorat mart oyining oxirgi kunlari kabi +22...+27 daraja atrofida, ya’ni me’yordan +5...+8 darajaga yuqori bo‘ladi.
2-7 aprel kunlari respublika bo‘yicha beqaror ob-havo bo‘lishi kutilmoqda, ba’zi joylarda shamol shiddatli kuchayishi bilan qisqa muddatli, momaqaldiroqli yomg‘ir yog‘adi. Kunduzgi havo harorati yomg‘ir paytida +5...+7 darajaga pasayadi. Aprel oyining birinchi o‘n kunligi oxirida asosan yog‘ingarchiliksiz ob-havo bo‘lishi kutilmoqda va havo harorati yana ko‘tarila boshlaydi.
“O‘zgidromet” dastlabki prognoziga ko‘ra, aprel oyining ikkinchi va uchinchi o‘n kunligida harorat kechalari +7...+12 darajadan +12...+17 darajagacha, kunduz kunlari +20...+25 darajadan +27...+32 darajagacha o‘zgarib turishi kutilmoqda.
“Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
22 noyabr kuni Cobalt avtomobiliga shartnoma ochilishi e’lon qilindi
Xonanda Ruxshona uylanmagan yigitga turmushga chiqqani haqida so‘zlab berdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
2026 yilda bo‘lajak mundialning favoritlari reytingi taqdim etildi
Grandlar nishonida turgan Husanovning o‘yini Yevropada qanday baholandi?
JCH-2026 saralashi. Qirg‘iz Respublikasi Eronga qarshi o‘yinda baribir mag‘lub bo‘ldi
