O‘zbekiston va Rossiyaning 2016-2017 yillar Hamkorlik dasturi muhokama qilindi

Kecha, 30 avgust kuni Moskva shahrida O‘zbekiston Respublikasi va Rossiya Federasiyasi tashqi ishlar vazirliklari o‘rtasidagi 2016-2017 yillar uchun mo‘ljallangan Hamkorlik dasturiga ko‘ra vazirliklararo maslahatlashuvlarning navbatdagi raundi bo‘lib o‘tdi. Bu haqda O‘zbekiston Respublikasi Tashqi ishlar vazirli Matbuot xizmati bergan ma’lumotga asoslanib "Qalampir.uz" xabar bermoqda.

Uchrashuvda Rossiya tomonidan TIV MDH Birinchi departamenti direktori Mixail Yovdokimov boshchiligidagi delegasiya ishtirok etdi.

Maslahatlashuvlar davomida MDH doirasidagi ikki tomonlama hamkorlikning dolzarb masalalari yuzasidan fikr almashildi, deyiladi xabarda.