![Shavkat Mirziyoyev Qorako‘ldagi 58 mln dollarlik quvur zavodiga bordi](/uploads/posts/2024-05/x83f5272fa9_tajb88bpn0ldjio2ywo-sfc3gtdyw9_s.webp.pagespeed.ic.fPeQP3dxrd.webp)
Prezident Shavkat Mirziyoyevning Buxoro viloyatiga tashrifi arafasida “Qorako‘l” erkin iqtisodiy zonasida “Enpipe” korxonasi ishga tushirildi.
Rasmiy relizga ko‘ra, umumiy qiymati 58 mln dollar bo‘lgan loyiha to‘liq xorijiy investitsiya hisobidan amalga oshirilgan. Zavodga Xitoy, Turkiya, Niderlandiya va Ispaniyadan zamonaviy uskunalar keltirib o‘rnatilgan, yiliga 300 ming tonna metall quvurlar ishlab chiqarish tashkil etilgan.
“To‘g‘ri chokli uslubda tayyorlanuvchi bu quvurlar yuqori bosimga va tashqi ta’sirlarga chidamliligi bilan ajralib turadi. Ilgari bunday mahsulotlar, asosan, xorijdan olib kelinar edi. Tashishda quvurlar hajmi ko‘p joy egallagani uchun narxi ham qimmatga aylanardi.
Endi turli qalinlikdagi metallar list shaklida olib kelinib, shu yerda tayyorlanmoqda. Buning samarasida tannarx 25 foiz arzonlashdi.
Gaz-kimyo va tog‘-kon sanoati, qurilish va boshqa sohalarda bunday chidamli quvurlarga talab yuqori. Xususan, shu yerda qurilayotgan MTO gaz-kimyo majmuasida ham shundan foydalaniladi.
Korxonada 400 dan ortiq kishi doimiy ish bilan ta’minlandi”, – deyiladi prezident matbuot xizmati xabarida.
Shavkat Mirziyoyevga korxonaning rejalari, navbatdagi bosqichlar haqida ma’lumot berildi.
![](/uploads/posts/2024-05/x0573a1a22c_egbxocxobuplpjrtah6gpbcpoee29zed.webp.pagespeed.ic.-9mfUBSdMq.webp)
![](/uploads/posts/2024-05/x1bb464b943_xarib5wq4aesmtojxk8qh-fdxes9wc_y.webp.pagespeed.ic.URP9-D2CVh.webp)
Loyihaning ikkinchi bosqichini amalga oshirish uchun ishlar boshlab yuborilgan. Unda bosimga bardoshli turli hajmdagi rezervuarlar ishlab chiqariladi. Yana 500 ta yangi ish o‘rni yaratiladi.
Loyiha to‘liq quvvat bilan ishlasa, 121 million dollarlik mahsulotlar tayyorlash imkoni tug‘iladi. Korxonaning eksport salohiyati yanada ortadi.
Davlat rahbari shu yerda ommaviy axborot vositalari vakillari bilan suhbatlashdi.
“Bugun Buxoroga kelishimizdan maqsad 2 milliondan ziyod aholining turmushini yaxshilash, daromad manbai yaratish, kambag‘allikni qisqartirish. Viloyatning ko‘p joyida ekin ekish uchun yerning sho‘rini yuvish kerak. Shuning uchun biz ko‘proq sanoatga e’tibor berayapmiz. Mana shu zavodni ham nima uchun qurdik? Bunday quvurlarni olib kelish uchun ko‘p pulimiz yo‘lga ketardi. Bugun yana yangi inshootlar qurilishini boshlaymiz. Ularning atrofida bir nechta korxonalar, ish o‘rinlari paydo bo‘ladi. Pirovard natijada odamlarning uyiga yorug‘lik, ishonch va umid kiradi. Ana shu umid bizlarni birlashtiradi", – dedi prezident.
![](/uploads/posts/2024-05/x7142ea876c_xugodiwx9ahyxqgkbuo1b5g-szjaypk.webp.pagespeed.ic.Uz3ayvFTxa.webp)
Ma’lumot uchun, “Qorako‘l” erkin iqtisodiy zonasi prezidentning 2021 yil 13 avgustdagi qaroriga asosan tashkil etilgan. Umumiy maydoni – 566 gektar bo‘lib, 5 ta yirik loyiha joylashtirilgan. Ular bosqichma-bosqich amalga oshirilib, yakunda uch mingga yaqin ish o‘rni yaratilishi mo‘ljallangan. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
![Lavrov «qizil chiziqlar bo‘yicha hazillashmaslik kerakligi»ni aytdi расм](/uploads/posts/2024-09/xe271f58933__8n9hxximyhrl-46-t3ya6kjwngyyhdb.webp.pagespeed.ic.KVzzVtarXQ.webp)
Lavrov «qizil chiziqlar bo‘yicha hazillashmaslik kerakligi»ni aytdi
![“Kavkaz asirasi”da hech kim payqamagan xatolik: Shurikning sochi qanaqa rangda? расм](/uploads/posts/2024-09/xb91623c4ef_photo_2023-07-20_14-04-12-hphngsdl.webp.pagespeed.ic.tkESSuK-t4.webp)
“Kavkaz asirasi”da hech kim payqamagan xatolik: Shurikning sochi qanaqa rangda?
![Malayziya bosh vaziri G‘arbni ikkiyuzlamachilikda aybladi расм](/uploads/posts/2024-09/x7feb37e907_photo_2024-09-05_21-16-07-b7bg8xby.webp.pagespeed.ic.3-FhoOjW2h.webp)
Malayziya bosh vaziri G‘arbni ikkiyuzlamachilikda aybladi
![CNN taslim bo‘lgan ukrainalik askarlarning otib tashlanishi aks etgan videoni e’lon qildi расм](/uploads/posts/2024-09/xd930cf2f1e_ouq_xpivygizdn5jga-ziobgey2xwhqv.webp.pagespeed.ic.PwiwohKrJR.webp)
CNN taslim bo‘lgan ukrainalik askarlarning otib tashlanishi aks etgan videoni e’lon qildi
![AQSH rasmiylari: Isroil va HAMAS o‘rtasidagi kelishuv yakunlanish arafasida расм](/uploads/posts/2024-09/x569407ef0c_photo_2024-09-05_20-28-32-cryheait.webp.pagespeed.ic.DD_HbN9eIP.webp)
AQSH rasmiylari: Isroil va HAMAS o‘rtasidagi kelishuv yakunlanish arafasida
![Rossiyada Putin uchun “abadiy hayot” dorisi ixtiro qilinmoqda расм](/uploads/posts/2024-09/x02e05d0426_photo_2024-09-05_10-40-18-eh8jluvs.webp.pagespeed.ic.A7tY-l1gEN.webp)
Rossiyada Putin uchun “abadiy hayot” dorisi ixtiro qilinmoqda
![Xaver Mendez: "Jon Jonsni tarixdagi eng buyuk jangchilardan biri deb atash noto‘g‘ri" расм](/uploads/posts/2024-09/x8fa73c5b23_1df869ee27f34247e2051285e7050083.webp.pagespeed.ic.SmRzMKNDVN.webp)
Xaver Mendez: "Jon Jonsni tarixdagi eng buyuk jangchilardan biri deb atash noto‘g‘ri"
![Alen Delonning vasiyatnomasi farzandlariga topshirildi расм](/uploads/posts/2024-09/xe97bf249fb_920__95_2849766809.webp.pagespeed.ic.06WG6rNrLO.webp)
Alen Delonning vasiyatnomasi farzandlariga topshirildi