Qashqadaryo viloyatida yurakni titlesdirib yuboruvchi alamli hodisa ro‘y berdi. 15-iyun kuni Ko‘kdalin tumani Umakay qishlog‘ida yashovchi 3 yoshli bola noxush tasodif tufayli og‘ir jarohat oldi. U kombaynning o‘tkir kesish mexanizmiga tushib ketgan.
Ota-onaning aytishicha, bola tomorqa hududidagi qishloq xo‘jaligi texnikasiga yaqinlashib, nazoratsiz qolgan paytda halokatli uskunaga tushib ketgan. Bu bilan uning ikki qo‘li ham og‘ir shikastlandi — suyaklar singan va bilak qismidagi mushak to‘qimalari ezilgan.
Voqea joyidagi shoshilinch choralardan so‘ng bola Respublika ixtisoslashtirilgan shoshilinch tibbiy yordam ilmiy-amaliy tibbiyot markazining Samarqand filialiga olib ketildi. Bolani qabul qilgan paytda u og‘ir shok holatida bo‘lgan.
Shifokor Panji Nabiyevich Ro‘ziyev boshchiligida yuqori malakali jarrohlar tomonidan zudlik bilan jarrohlik amaliyoti o‘tkazildi. Operatsiya vaqtida o‘ng qo‘ldagi shikastlangan suyaklar va mushaklar qayta tiklandi. Ammo chap qo‘lning pastki qismi, afsuski, qutqarib bo‘lmadi — bu a’zo to‘liq amputatsiya qilindi.
Ayni paytda bolaning holati shifokorlar nazoratida. Mutasaddilar tomonidan hodisa sabablarini o‘rganish va texnik xavfsizlik talablariga rioya etilmaganligini aniqlash yuzasidan tekshiruvlar olib borilmoqda.
Mutaxassislar bolalarni qishloq xo‘jaligi texnikalari yaqinida nazoratsiz qoldirmaslik zarurligini qat’iy ta’kidlamoqda. Ana shunday ehtiyotsizlik, afsuski, bebaho hayotlarga daxl yetkazishi mumkin. “Zamin”ni Telegramʻda oʻqing!
Ctrl
Enter
Xato topdIngizmi
Iborani ajratib Ctrl+Enter tugmasini bosing Mavzuga oid yangiliklar
