“O‘zbekiston havo yo‘llari” yana 4 ta Voeing-787 Dreamliner samolyotlariga buyurtma berdi

“O‘zbekiston havo yo‘llari” MAK yana 4 ta Voeing-787 Dreamliner rusumli samolyot sotib olishni rejalashtirgan. Amerikaning Boeing kompaniyasi o‘zining rasmiy saytida 2016 yilda mazkur turdagi samolyotlarga berilgan buyurtmalar haqidagi ma’lumotlarni chop etdi, deb yozadi Qalampir.uz sayti.

Ular orasida “O‘zbekiston havo yo‘llari” MAK ham bor. Xabarda buyurtmaning moliyaviy qiymati haqida ma’lumot keltirilmagan.

Aytish kerakki, ayni vaqtda “O‘zbekiston havo yo‘llari” milliy aviakompaniyasi tarkibida ikkita Voeing-787-8 Dreamliner rusumidagi samolyot bor. “Orzular kemasi” deya e’tirof etiluvchi samolyotlar o‘tgan yilning avgust va noyabr oylarida qabul qilib olingan.

Voeing-787 samolyotlari shu vaqtgacha Toshkentdan Dubay, Dehli, Istanbul, Tel-Aviv, Olma-ota, Moskva va Riga shaharlariga parvoz qilishga ulgurdi. “Zamin”ni Telegramʻda oʻqing!