O‘zbekiston Prezidenti Shavkat Mirziyoyev yanvar oyining boshida Sog‘liqni saqlash vazirligining yangi rahbariyati, markazlar rahbarlari hamda viloyat sog‘liqni saqlash boshqarma boshliqlari bilan uchrashdi. Bo‘lib o‘tgan uchrashuvda to‘liq malakali xizmat ko‘rsatilmagani sababli 40 mingdan ziyod o‘zbekistonlik fuqarolar tibbiy yordam uchun xorijga chiqishga majbur bo‘layotgani ta’kidlandi.
“Ixtisoslashgan markazlar aholiga to‘liq malakali xizmat ko‘rsatmagani tufayli yiliga 40 mingdan ziyod fuqarolarimiz tibbiy yordam uchun chet davlatlarga chiqishga majbur bo‘lmoqda. O‘zingiz o‘ylang — 40 ming odamni qancha puli ketyapti? Nima uchun Rossiyadagi katta klinikalar mutaxassislari bu erga olib kelinib, operasiyalar shu erda bajarilmaydi yoki Hindiston bilan hamkorlikda qo‘shma markaz ochilmaydi?”, — deb murojaat qildi Shavkat Mirziyoyev.
Shundan so‘ng, ushbu masalalarni hal qilish uchun vazirlik rahbariyatiga tez orada bir qator choralar ko‘rish talab qilindi. “Shuning uchun, Adham Ilhomovich, (Sog‘liqni saqlash vazirligining yangi rahbari), birinchidan, 3 oy ichida 50 nafar xorijdagi O‘zbekiston shifokorlarini olib kelasiz va ikkinchidan, har bir davlat — Koreya, Hindiston, Rossiya bilan hamkorlikda Toshkent, Namangan, Farg‘ona va Andijonda yo‘nalishlar bo‘yicha qo‘shma klinikalar ochishni tashkillashtirasiz”, — dedi O‘zbekiston Prezidenti.
Shu bilan bir vaqtda, xorijdan qaytib kelgan O‘zbekistonlik shifokorlarga barcha kerakli sharoitlar yaratib berilishi kerakligi va har bir tibbiy markazdan 10-20 kishini xorijga o‘qishga yuborish kerakligi ham alohida ta’kidlab o‘tildi.
Shuningdek, sog‘liqni saqlash borasida vaziyat yomonlashayotgani ham qayd etildi. Jumladan, oxirgi 5 yilda yurak-qon tomir kasalliklariga chalinish — 25 foizga, asab kasalliklari – 14 foizga, onkologik kasalliklar — 2,5-3 foizga oshganligi qayd etildi. Yuqori texnologik operasiyalarning faqatgina 23 foizi viloyat miqyosida ko‘rsatilgani, qolgani esa Respublika markazida bajarilayotgani ta’kidlandi. Biroq bu sohadagi muammolarning oldini olish bo‘yicha deyarli hech qanday ishlar amalga oshirilmayotgani afsus bilan qayd etildi.
Shuningdek, Mirziyoyev zamonaviy talablarga javob beradigan onkologiya, neyroxirurgiya, travmatologiya va ortopediya sohalarida ixtisoslashgan markazlarning hududlarda bosqichma-bosqich kardioxirurgiya xizmatini rivojlantirish, tuman va shaharlarda lor va oftolmologiya, kardiologiya, nevrologiya, endikrinologiya kabi ixtisoslashgan bo‘limlarni tashkil etish masalasini ko‘rib chiqish vaqti kelganini ham ta’kidlab o‘tdi. “Zamin” yangiliklarini “Youtube”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Xalqaro jinoyat sudining orderi Isroilni nega qo‘rqityapti?
2026 yilda bo‘lajak mundialning favoritlari reytingi taqdim etildi
Italiya sudi Quddus Isroil poytaxti emasligi haqida qaror chiqardi
22 noyabr kuni Cobalt avtomobiliga shartnoma ochilishi e’lon qilindi
Shavkat Mirziyoyev Rossiya bosh prokurori bilan uchrashuv o‘tkazdi
