O‘zbekiston Respublikasi Prezidentining 2017 yil 1 fevraldagi «Samarqand shahrida tramvay liniyalarini qurish» loyihasini amalga oshirish chora-tadbirlari to‘g‘risidagi PQ-2748 sonli qarori ijrosiga muvofiq, «O‘zbekiston temir yo‘llari» aksiyadorlik jamiyati tomonidan Samarqand shahrida umumiy uzunligi 34,8 km ni tashkil etadigan tramvay yo‘llari bosqichma-bosqich qurilmoqda.
Ushbu loyihaning birinchi bosqichida qurilayotgan tramvay yo‘lining umumiy uzunligi 11,4 km.ni tashkil etib, bugungi kunda 7,2 km bo‘lgan tramvay yo‘lining birinchi qismi qurilishi to‘liq yakunlandi. Bu haqda “O‘zbekiston temir yo‘llari” AJ axborot xizmati xabar qildi.
O‘zbekiston Respublikasi Prezidenti Shavkat Mirziyoyev viloyatda amalga oshirilayotgan bunyodkorlik ishlari, olib borilayotgan islohotlar jarayoni bilan yaqindan tanishish maqsadida Samarqanga qilgan tashrifi davomida, ushbu qurilgan yangi tramvay yo‘lini ham borib ko‘rdi.
«O‘zbekiston temir yo‘llari» aksiyadorlik jamiyati boshqaruvi raisining birinchi o‘rinbosari Akbar Shukurov, qisqa davrda qurib foydalanishga topshirilgan mazkur tramvay yo‘lining birinchi bosqichida qilingan ishlar va loyihaning ikkinchi bosqichi xususida keng ma’lumotlar berdi.
Qurilishning keyingi qismi temiryo‘l vokzalidan Siyob bozorigacha bo‘lgan yo‘nalishda, ya’ni uzunligi 5 km bo‘lgan tramvay yo‘li qurish ishlari davom etmoqda. Ushbu yo‘nalishda 1 km tramvay yo‘li qurildi va Rudakiy hamda Gagarin ko‘chalari kesishmasida tramvaylarga texnik xizmat ko‘rsatish deposi bunyod qilinmoqda.
Tramvaylarga elektr energiyasi etkazib berishda, shahar aholisi va korxonalariga etkazib berilayotgan elektr energiyasiga salbiy ta’sir qilmasligini ta’minlash uchun 4 ta maxsus elektr podstansiyalari qurildi.
Yangi tramvay yo‘nalishi bo‘yicha harakat grafigi ishlab chiqildi. Unga ko‘ra, tramvaylar ertalab soat 06:00 dan kechqurin 23:00 gacha harakatlanadi. Temir yo‘l vokzalidan Sattepo massivigacha tramvay liniyasida ikki tomonlama 4 tadan jami 8 ta tramvay har 7 daqiqada harakatlanadi. Tramvay yo‘lining ikki tarafidan avtobus bekatlari bilan birlashtirilgan 13 tadan jami 26 ta zamonaviy bekatlar qurilgan.
Loyihaning keyingi bosqichida quriladigan Tramvay yo‘lining umumiy uzunligi 23,4 km.ni tashkil etib, qurilish «Samarqand» temir yo‘l vokzalidan Spitamen ko‘chasi orqali Kimyogarlar shaharchasi hamda vokzaldan Narpay ko‘chasi orqali Kimyogarlar shaharchasigacha bo‘lgan yo‘nalishlarni qamrab oladi.
Yangi tramvay yo‘lini qurish barobarida, kadrlar macalasiga ham alohida e’tibor qaratildi. Ayrim tramvay haydovchilari ilgari Toshkent shahrida harakatlangan tramvaylarda faoliyat ko‘rsatishgan, yaxshi tajribaga ega. Ular bilan birgalikda 20 nafardan ortiq yosh tramvay haydovchilar hamda tramvay liniyasiga xizmat qiladigan mutaxassislar, jami 43 nafar fuqaro ishga qabul qilindi.
Samarqand tramvay deposi qoshida Respublika Ichki ishlari vazirligining tegishli ruxsatnomasi olinib, tramvay haydovchilarini tayyorlash markazi tashkil etildi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudining orderi Isroilni nega qo‘rqityapti?
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Metabolizm sekinlashganining belgilari
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Har payshanba jismoniy tarbiya va sport kuni sifatida belgilanadi
