Milliy matbuot markazida “O‘zvinosanoatxolding” xolding kompaniyasi matbuot anjumani o‘tkazdi, deb xabar bermoqda Kun.uz nashri.
O‘zbekistonda 2016 yilda 1,7 million tonna hosil olingan bo‘lsa, joriy yilda 1,9 million tonna uzum etishtirish mo‘ljallanmoqda.
– Tizimdagi oltmishdan ortiq korxona fermer xo‘jaliklarida etishtirilgan uzumni qayta ishlash bilan birga sanoatbop navli tokzorlar barpo etilmoqda, – deydi “O‘zvinosanoatxolding” xolding kompaniyasining boshqarma boshlig‘i o‘rinbosari Adiba Ahmadjonova. – 2014 yilda 2 ming gektar tokzor tashkil qilingan bo‘lsa, bugungi kunda ushbu maydonlar 2 baravar ortdi. Joriy yilda yana 1 ming 400 gektarda tokzor barpo etiladi.
O‘zbekiston Respublikasi Vazirlar Mahkamasining 2015 yil 17 dekabrdagi Respublikada uzum etishtiruvchi fermer xo‘jaliklarini birlashtirish, tokzorlar samaradorligini oshirish, ilg‘or agrotexnologiyalarni joriy etish, eksport va qayta ishlash xajmlarini ko‘paytirish uchun uzumchilikka ixtisoslashgan agrofirmalar tashkil etish to‘g‘risidagi qarori ijrosi doirasida uzumchilikka ixtisoslashgan qirq ikkita agrofirma faoliyat ko‘rsatmoqda.
Agrofirmalar fermerlarga hosilni sifatli saqlashda ko‘maklashmoqda. Buning uchun agrofirmalarda muzlatgich kameralari va jihozlangan omborlar mavjud. Agrofirmalar o‘zlariga biriktirilgan tumanlardagi fermer xo‘jaliklarida agrotexnik tadbirlarni o‘z muddatlarida o‘tkazish maqsadida qishloq xo‘jalik texnikasi xarid qilishni ko‘paytirmoqda. Hozirgacha joriy yilgi uzum hosili uchun 30 foiz bo‘nak puli to‘lab berildi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Zoir Mirzayev “Telefonsiz maktab”ga 300 mln so‘m mukofot berdi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Xitoy AQSHni «qizil chiziqlar»ni kesib o‘tishdan ogohlantirdi va «dushman emas, hamkor» bo‘lishga chaqirdi
Ortiqcha vaznli insonlar uchun sog‘lom ovqatlanishning beshta muhim qoidasi
Ruslar Abrams tanklarining zaif tomonini topishdi
Germaniyada ishlash istagida bo‘lgan o‘zbekistonlik mutaxassislar uchun nemis tili o‘rgatiladi
AQSHning G‘azodagi siyosatidan norozi Davlat departamenti rasmiysi iste’foga chiqdi
Lukashenko G‘arbga tahdid bilan chiqdi
