Toshkentda 169 ta yo‘nalishda avtobus konditsionerlari nazoratga olindi
Toshkent shahridagi avtobus hamda elektrobuslarda harorat me'yorlariga rioya etilishini tekshirish bo'yicha nazorat kuchaytirildi. Transport vazirligi va «Toshshahartransxizmat» AJ tomonidan tuzilgan maxsus ishchi guruhlar 169 ta yo'nalishda reydlar o'tkazmoqda. Brutto-shartnomalar talabiga ko'ra, tashqi havo harorati +28 darajadan yuqori bo'lganda salon harorati +26 darajadan oshmasligi kerak.
Toshkentda jamoat transportida konditsionerlar ishlashini nazorat qilish kuchaytirildi. Transport vazirligi va «Toshshahartransxizmat» aksiyadorlik jamiyati poytaxt avtobuslari hamda elektrobuslarida harorat me’yorlariga rioya etilishini tekshirishni boshladi.
Brutto-shartnomalar talabiga ko‘ra, tashqi havo harorati +28 darajadan yuqori bo‘lgan vaqtda avtobus va elektrobus salonidagi harorat +26 darajadan oshmasligi lozim. Tashuvchilar sovitish tizimlarini ishchi holatda saqlashi va yo‘lovchilar uchun belgilangan sharoitni ta’minlashi shart.
Maxsus ishchi guruhlar Toshkentdagi 169 ta yo‘nalishda reydlar o‘tkazmoqda. Tekshiruvlar transport vositalarining o‘zida amalga oshirilib, konditsionerlarning ishlashi va salondagi harorat o‘lchanmoqda.
Yozgi mavsumda yo‘lovchilar uchun qulay va xavfsiz sharoit yaratish nazorat tadbirlarining asosiy maqsadi sifatida ko‘rsatilgan. Sovitish tizimlaridan foydalanish talablarini bajarmagan tashuvchilarga nisbatan intizomiy va moliyaviy choralar qo‘llanadi.
Izohlar 0
…