Toshkentdagi bozorlarda bankomatlar: Endi siz ham 100 ming so‘m yechib olishi mumkin

«Xalq banki» Toshkent shahar filiali tomonidan poytaxtdagi Oloy, Yunusobod, Qo‘yliq bozorlarida bankomatlar o‘rnatib chiqildi, deb yozmoqda Kun.uz sayti. Ayni paytda mazkur qurilmalarga tegishli dasturlar o‘rnatilmoqda.

Dastlabki ma’lumotlarga ko‘ra, mazkur bankomatlardan bir kishi bir kunda maksimum 100 ming so‘m yechib olishi mumkin. Bankomatlar dushanba kunidan ishlay boshlaydi.

Kelajakda bunday bankomatlar soni va geografiyasi yanada kengayib borishi rejalashtirilgan. Komissiya bo‘lmaydi.