O‘zbekistonda yana bir xalqaro oliy ta’lim muassasasi ochiladi

Oliy ta’lim vaziri Inom Majidov “Uyushmagan yoshlar bilan olib borilayotgan ishlarni tizimli tashkil etishning dolzarb masalalari” mavzusidagi ilmiy-amaliy konferensiyaning yalpi majlisida O‘zbekistonda xalqaro oliy dargoh ochilishini ma’lum qildi, deb yozadi Qalampir nashri. Lekin qanday ta’lim muassasining ochilish vaqti, yo‘nalishi haqida hozircha axborot berilgani yo‘q.

Vazir Majidov joriy yilning o‘zida 3 ta filial va 1 ta institut ochilganligini qo‘shimcha qilib o‘tdi.

Avvalroq, Prezident Shavkat Mirziyoyev “Toshkent viloyati Chirchiq davlat pedagogika institutini tashkil etish to‘g‘risida” qarorni imzolagani hamda unga kimlar qabul qilinishi haqida xabar bergan edik.

Yangi tashkil etilgan pedagogika institutga uzoq yillar Milliy universitetga rahbarlik qilgan G‘ofurjon Muhamedov rektori etib tayinlangan. “Zamin” yangiliklarini “Facebook”da kuzatib boring