4 noyabr kuni Toshkent shahrida Mustaqil davlatlar hamdo‘stligi elektr energetika Kengashining 51-majlisi bo‘lib o‘tdi. Unda O‘zbekiston Respublikasi tomonidan Bosh vazir o‘rinbosari Alisher Sultonov boshchiligidagi davlat hokimiyati organlari va milliy energetika kompaniya rahbarlari ishtirok etdi.
Mustaqil davlatlar hamdo‘stligi elektr energetika Kengashining 51-majlisida O‘zbekistonning qo‘shni davlatlar bilan hamkorlikda amalga oshiriladigan loyihalari ham ma’lum qilindi. Unga ko‘ra, tez orada, hozirda O‘zbekiston orqali Turkmanistondan Markaziy Osiyo energiya tizimiga elektr energiyasini tranzit qilish masalasi ko‘rib chiqilmoqda. Shuningdek, Qirg‘iziston bilan elektr energiya tizimi qishki mavsumda ham yetkazib berish bo‘yicha qo‘shimcha shartnoma imzolandi. Bundan tashqari, Qozog‘iston Respublikasi iste’molchilariga O‘zbekiston tarmoqlari orqali elektr energiya tranzit qilinadi.
“Bugungi muhim uchrashuvda yetti davlatdan tashrif buyurgan vazirlar ishtirok etmoqda. Yig‘ilishdan ko‘zlangan asosiy maqsad elektr energiya tizimini birgalikda rivojlantirishdir. Bu esa o‘z navbatida qilinadigan ishlarni optimallashtirish, xarajatlarni esa minimallashtirishga imkon beradi. Hozirda O‘zbekiston elektr energiya tizimi MDH davlatlarining energiya tizimi bilan parallel ishlamoqda”, deya qayd etdi "O‘zbekenergo" AJ strategik rivojlanish boshqarmasi boshlig‘i Eso Sa’dullayev Kun.uz muxbiriga bergan intervyusida.
Ma’lumki, Prezidentimizning joriy yilda Turkmanistonga uyushtirgan davlat tashrifi chog‘ida ham mazkur sohadagi hamkorlik ishlariga alohida to‘xtalib o‘tildi.
"Ayni damda O‘zbekiston Turkmanistondan elektr quvvatini qabul qilishga tayyor. Keyinchalik bu tizim elektr energiyani MDH davlatlariga o‘tkazishga yordam beradi. Shuningdek, mamlakatimiz Qirg‘iziston elektr energiya tizimi bilan aloqalarni mustahkamlab, bir milliarddan ko‘proq elektr quvvatini qabul qildi. Bu esa ikki davlat uchun ham foydalidir. Bugungi ko‘rilgan masalalar elektr energiya sohasida texnik jihatdan hujjatlarni qabul qilish, iqtisodiy hamkorliklarni yo‘lga qo‘yish va kelgusidagi rejalarni belgilab olishga o‘z hissasini qo‘shadi”, dedi Eso Sa’dullayev. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ukraina QK bosh qo‘mondoni: “Frontdagi vaziyat murakkab va keskinlashishi mumkin”
Tramp Putinga qo‘ng‘iroq qilib, Ukrainadagi urushni muhokama qildi
Frontdagi vaziyat: Rossiya harbiylari Kursk oblastida qarshi hujumga tayyorlanmoqda
Trampning o‘g‘li Zelenskiy yaqin orada «nafaqadan» mahrum bo‘lishini yozdi
Tomoshabinlar nafratiga uchragan, saratonni yenggan turk aktrisasi — Vahide Perchinning murakkab taqdiri
Immunitetni ko‘tarish uchun 6 ta eng yaxshi vitamin
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
Rossiya Kursk viloyatidagi hududlarini qaytarib olishga 50 ming harbiy to‘pladi
