Ukraina Shakar ishlab chiqaruvchilar milliy assotsiatsiyasi ma’lumotiga ko‘ra, ayni paytda O‘zbekistonga yuborilgan shakar va yuklar tushirib olinmayapti hamda bojxona rasmiylashtiruvidan o‘tkazilmayapti.
Bunday holat Ukrainadan yuklar qabul qilib olishga qo‘yilgan taqiq bilan bog‘liq, deyiladi assotsiatsiya xabarida:
«Bunday to‘satdan to‘xtab qolish ilgari tuzilgan shartnomalar shartlari bajarilmasligiga olib kelmoqda. O‘zbekiston so‘nggi olti oy davomida Ukraina shakarining asosiy importchisi bo‘lgani hisobga olinsa, asosiy bozorni yo‘qotyapmiz, deyishimiz mumkin», - deya izoh berdi assotsiatsiya tahliliy bo‘limi rahbari Ruslana Butilo.
Xabar qilinishicha, «Ukrsukor» korxonasi Ukraina Agrar va oziq-ovqat siyosati vazirligi hamda Iqtisodiy taraqqiyot va savdo vazirligiga O‘zbekistonga keltirilgan Ukraina mahsulotlari to‘xtatib qolinayotgani bo‘yicha vaziyatni aniqlashtirish hamda hal qilishni so‘rab murojaat qilgan.
O‘zbekiston yil boshidan beri Ukraina shakarining asosiy xaridoridir. 2017-2018 yillarda Ukraina tashqi bozorga 560,4 ming tonna shakar yetkazib berdi, O‘zbekiston hissasiga 79,1 mln dollarlik 209,9 ming tonna to‘g‘ri keldi. Avgust oyida O‘zbekiston Ukraina eksport shakarining deyarli barcha hajmini - 89 foizini sotib oldi.
Eslatib o‘tamiz, avvalroq O‘zbekiston bojxonachilari Ukrainaning 4,8 mln dollarlik farmatsevtika mahsulotini ushlab turgani xabar berilgandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Prezidentning yangi qarori bo‘yicha ma’lumot berildi
NATO rahbari: “Ukrainaga bergan va’damizni bajarmadik”
O‘zbekistonda uy-joy va avtomobillar oldi-sotdisi naqd pulsiz shaklga o‘tkazilishi mumkin
Ukraina Qurolli kuchlari qo‘mondonlari g‘alabaga ishonishni to‘xtatishdi
Fon der Lyayen Putinning «ishonli odamlari» bilan hamkorlikni istisno etdi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi
U-23 Osiyo kubogi. Norchayev finalda gol ursa, to‘purar bo‘lishi mumkin