19:08 / 03.01.2015
8 504

Butun O‘zbekiston bo‘ylab yog‘ingarchilik kutilmoqda

Butun O‘zbekiston bo‘ylab yog‘ingarchilik kutilmoqda
O‘zbekistonning barcha hududlarida 4 yanvar, yakshanba kuni yog‘ingarchilik kutilmoqda. Bu haqda “O‘zgidromet” ga asoslanib “Kun.uz” xabar bermoqda.

Toshkent shahrida 4 yanvar, yakshanba kuni havo bulutli bo‘ladi, kunning ikkinchi yarmida vaqti-vaqti bilan yog‘ingarchilik kuzatilishi, yomg‘ir va qor yog‘ishi mumkin. Havo harorati kechasi -2…0 daraja sovuq, kunduzi esa +7…+9 daraja iliq bo‘ladi.

Tog‘li hududlarda havo harorati kechasi -10 darajagacha, Qoraqalpog‘iston Respublikasi va Xorazm viloyatida -8 darajagacha, Buxoro, Navoiy, Toshkent, Samarqand, Jizzax, Sirdaryo viloyatlarida -3 darajagacha sovuq, Qashqadaryo, Surxondaryo, Andijon, Namangan va Farg‘ona viloyatlarida 0 daraja iliq bo‘ladi.

O‘zbekistonning shimoli-g‘arbiy qismida havo harorati kunduzi +5 darajagacha, markaziy va janubiy viloyatlarda +9…+11 darajagacha, vodiyda esa +8 darajagacha, tog‘li hududlarda esa +3 darajagacha iliq bo‘ladi.

4 yanvar, yakshanba kuni Qashqadaryo va Surxondaryo viloyatlarida yomg‘ir yog‘ishi, qolgan hududlarda esa ham yomg‘ir, ham qor yog‘ishi mumkin. Tog‘li hududlarda esa ko‘chkilar ro‘y berishi xavfi bor.

Foto: haikalhelmi / Kun

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » O‘zbekiston » Butun O‘zbekiston bo‘ylab yog‘ingarchilik kutilmoqda
[/banner_pushhouse