O‘zA «O‘zgidromet» markazi bosh sinoptigi Irina Zayseva bilan bog‘lanib, havo harorati qachondan tushishi haqida so‘radi.
«Iyul oyi bizda ham, O‘rta Osiyo yozi uchun ham juda issiq keldi. Bu yil biz, O‘zbekistonda butun meteorologik kuzatuvlar davrida barcha hududlar, xususan, Toshkentda ham eng issiq iyul oyini boshdan kechirdik.
Esingizda bo‘lsa, 11 iyuldan boshlab o‘rtacha oylik havo harorati me’yordan 5-7 darajaga, ayrim joylarda esa undan ham yuqori bo‘ldi. Bu vaqtda harorat 40—43 darajani, yurtimizning shimoli, janubda va cho‘l hududlarida issiq avjiga chiqqanda 44—45 darajani tashkil qildi. Qoraqalpog‘iston Respublikasi, Xorazm, Buxoro va Navoiy viloyatlarining cho‘llarida esa jazirama 46—48 darajagacha yetdi.
To‘g‘ri, orada havo harorati biroz pasaygan davrlar ham bo‘ldi. Biroq, juda qisqa muddatda o‘tib ketgani bois, deyarli sezilmadi. Shu bois bu yilgi iyulning o‘ziga xosligi yuqori haroratdagina emas, balki jazirama davrning uzoq davom etganidadir. Misol uchun, ko‘pgina viloyatlarda maksimal harorat 40 daraja va undan yuqori bo‘lgan davr 10—17 kunni, janubiy va cho‘l hududlarida esa 20—25 kunni tashkil qildi. Bu o‘rtacha ko‘p yillik ko‘rsatkichlardan ancha yuqori.
Bugun, 5 avgustda taqvim bo‘yicha chilla o‘z nihoyasiga yetdi, biroq yoz jaziramasi salqin kunlarga o‘z o‘rnini bo‘shatishga shoshilayotgani yo‘q. Ya’ni O‘zbekistonda juda issiq ob-havo saqlanib turadi. Harorat kunduzi 40—43 darajagacha, janubiy viloyatlarning ayrim joylarida esa 44—45 daraja bo‘lishi kutilmoqda.
Quvontiradigan xabar esa haftaning oxirida kutilmoqda. 10—11 avgustga borib, harorat pasayadi va 33—38 darajani tashkil qilishi kutilmoqda», — deydi Irina Zayseva. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
Shoygu Ukraina dronlariga qarshi qo‘llaniladigan yangi vositalar bilan tanishdi
Moskvada Ukrainadan tortib olingan NATO harbiy texnikalari ko‘rgazmasi o‘tkazildi
Toshkent viloyatida ekologiya inspektorlari hujumga uchradi
Shavkat Mirziyoyev: Jahonda investorlar uchun mislsiz kurash ketyapti
Buxoroda yodgorliklarni ta’mirlashga ajratilgan 3,3 mlrd so‘m talon-toroj qilindi
Organizmda gormonlar bilan bog‘liq muammo borligini bildiradigan simptomlar
Taniqli aktyor va rejissyor Mashrab Kimsanov 69 yoshida vafot etdi