Shavkat Mirziyoyevning inauguratsiya marosimi 6 noyabr kuni bo‘lib o‘tadi

^{Foto: Prezident matbuot xizmati}
Prezidentlikka saylangan Shavkat Mirziyoyevning inauguratsiya marosimi 6 noyabr kuni bo‘lib o‘tishi rasman ma’lum qilindi.

Oliy Majlis Qonunchilik palatasining xabar berishicha, Oliy Majlis Qonunchilik palatasi va Senatning O‘zbekiston Respublikasi saylangan Prezidentining lavozimiga kirishishiga bag‘ishlangan qo‘shma majlisi 6 noyabr kuni soat 11:00da Toshkent shahrida Oliy Majlis Senatining yangi binosi katta majlislar zalida bo‘lib o‘tadi.

Prezident qasamyod qabul qilganidan so‘ng unga prezident belgisi va shtandarti topshiriladi.

Eslatib o‘tamiz, 29 oktabr kuni Markaziy saylov komissiyasi Shavkat Mirziyoyevni keyingi besh yilga O‘zbekiston Prezidenti lavozimiga saylangan deb hisoblash to‘g‘risida qaror qabul qilgandi. Saylov kodeksiga ko‘ra, O‘zbekiston prezidenti Markaziy saylov komissiyasi tomonidan Prezident saylovi natijalari rasmiy ravishda e’lon qilingan kundan e’tiboran kechi bilan ikki oy ichida Oliy Majlis palatalarining qo‘shma majlisida qasamyod qilgan paytdan e’tiboran o‘z lavozimiga kirishadi. “Zamin” yangiliklarini “Facebook”da kuzatib boring