Toshkent shahri hokimi Jahongir Ortiqxo‘jayev O‘zbekiston bosh vaziri o‘rinbosarligiga tayinlanishi kutilmoqda. Bu haqda Kun.uz manbasi xabar bermoqda.
Ayni vaqtda sayt tahririyatida u hukumatda qaysi sohaga mas’ul bo‘lishi haqida aniq ma’lumot yo‘q.
Jahongir Ortiqxo‘jayev 1975-yilda Toshkent shahrida tug‘ilgan, 1996-yilda Toshkent davlat iqtisodiyot universitetini tamomlagan.
U o‘z faoliyatini «Jahongir» MCHJ direktori sifatida boshlagan, 2000-yillar boshida Akfa kompaniyasiga, 2011-yilda maishiy texnika buyumlari ishlab chiqaruvchi Artel kompaniyasiga asos solgan. 2017-2018-yillarda Tashkent city direksiyasi direktori lavozimida ishlagan.
Ortiqxo‘jayev 2018-yil aprelidan buyon Toshkent shahriga rahbarlik qilib kelmoqda.
Ma’lumot uchun, ayni vaqtda O‘zbekiston hukumatida 6ta bosh vazir o‘rinbosari lavozimi bor: birinchi o‘rinbosar Ochilboy Ramatov (Hududlarni kompleks rivojlantirish, kommunikatsiyalar, qurilish va uy-joy kommunal xo‘jaligi masalalari), iqtisodiy kompleks rahbari Jamshid Qo‘chqorov, qishloq xo‘jaligi masalalari kompleksi rahbari Shuhrat G‘aniyev, investitsiyalar va tashqi iqtisodiy aloqalar masalalari bo‘yicha o‘rinbosar Sardor Umrzoqov, turizm va sportga mas’ul bo‘lgan Aziz Abduhakimov.
Bosh vazirining ijtimoiy rivojlantirish masalalari bo‘yicha o‘rinbosari lavozimi esa biroz avvalroq bo‘sh qolgandi - Behzod Musayev SSV rahbari lavozimiga o‘tkazilgan.
- Bundan avvalroq Jahongir Ortiqxo‘jayev Toshkent shahri hokimi lavozimidan ketishi va uning o‘rnini Toshkent viloyati hokimi Davron Hidoyatov egallashi haqida xabarlar tarqalgan, Kun.uz manbasi bu ma’lumotni rad etib, Hidoyatov Toshkent viloyatining Chirchiq shahri hokimi bo‘lishini ma’lum qilgandi. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Kalyari” Shomurodov bo‘yicha bir qarorga keldi
Turk seriallari yulduzi Demet O‘zdemirning Istanbuldagi shinam villasiga sayohat
Sof quyma oltin sotayotgan shaxslar qo‘lga tushdi
Ukraina 300 mingta dron sotib olish uchun pul ajratadi
Qozog‘istonda sobiq ichki ishlar vaziri qo‘lga olindi
Ko‘p kvartirali uylarda «kvartplata»ning eng kam miqdori tasdiqlandi
Harbiy xizmatdan qochgan 30 dan ortiq ukrainalik chegarani kesib o‘tishga urinib, halok bo‘ldi
Rossiya kubogi. SSKA ilk o‘yinda Zenit bilan durang o‘ynadi, Fayzullayev zahiradan tushirildi