Mahalla va oilani qo‘llab-quvvatlash vazirligi Mahalla va nuroniylarni qo‘llab-quvvatlash vazirligi sifatida qayta tashkil etilgani to‘g‘risida xabar berilgandi. Telegram’dagi «Huquqiy axborot» kanalining yozishicha, «Oila va xotin-qizlar bilan ishlash, mahalla va nuroniylarni qo‘llab-quvvatlash tizimini takomillashtirish chora-tadbirlari to‘g‘risida»gi prezident farmoni qabul qilingan.
Farmon bilan Oila va xotin-qizlar davlat qo‘mitasi hamda uning hududiy bo‘linmalari tashkil etildi. Qo‘mita oila va xotin-qizlarni qo‘llab-quvvatlash, ularning huquq va qonuniy manfaatlarini himoya qilish sohasidagi yagona davlat siyosatini ishlab chiqish va amalga oshirish bo‘yicha vakolatli davlat boshqaruvi organi hisoblanadi.
Oila va xotin-qizlar masalalariga oid normativ-huquqiy hujjatlar loyihalari qo‘mita bilan majburiy tartibda kelishiladi.
Farmon bilan quyidagi lavozimlar kiritilgan:
- Vazirlar Mahkamasiga – Bosh vazir o‘rinbosari – Oila va xotin-qizlar davlat qo‘mitasi raisi;
- Qoraqalpog‘iston Respublikasi Vazirlar Kengashiga – Vazirlar Kengashi raisi o‘rinbosari – Oila va xotin-qizlar qo‘mitasi raisi;
- viloyat hokimliklariga – hokim o‘rinbosarlari – oila va xotin-qizlar boshqarmalari boshliqlari;
- tuman (shahar) hokimliklariga – hokim o‘rinbosarlari – oila va xotin-qizlar bo‘limlari boshliqlari lavozimlari.
Quyidagi lavozimlar tugatilgan:
- mahalla va oilani qo‘llab-quvvatlash vaziri;
- mahalla va oilani qo‘llab-quvvatlash boshqarmalari boshliqlari;
- mahalla va oilani qo‘llab-quvvatlash bo‘limlari boshliqlari lavozimlari.
- har bir shaharcha, qishloq, ovulda, har bir mahallada xotin-qizlar faoli lavozimi joriy etildi.
Farmonga ko‘ra, Mahalla va nuroniylarni qo‘llab-quvvatlash vazirligi nuroniy va keksalarni qo‘llab-quvvatlash, ularning huquq va qonuniy manfaatlarini himoya qilish sohasidagi yagona davlat siyosatini ishlab chiqish va amalga oshirish, mahallalar bilan hamkorlik o‘rnatish bo‘yicha vakolatli davlat boshqaruvi organi hisoblanadi.
Mahalla, nuroniy va keksalar masalalariga oid normativ-huquqiy hujjatlar loyihalari vazirlik bilan majburiy tartibda kelishiladi.
Farmonga ko‘ra, mahalla raisiga qo‘shimcha huquqlar berilgan:
- mahalla raisi, jumladan, tuman (shahar) hokimi yordamchisi, mahalladagi yoshlar yetakchisi va xotin-qizlar faoli, ichki ishlar organlari tayanch punkti profilaktika (katta) inspektorlarini rag‘batlantirish yoki ularga nisbatan egallab turgan lavozimidan ozod etishgacha bo‘lgan jazo choralarini qo‘llash bo‘yicha mazkur xodimlarning yuqori turuvchi tashkilotlariga ko‘rib chiqilishi majburiy bo‘lgan taqdimnomalar kiritishi mumkin.
Shuningdek, 2022 yil 1 iyulgacha «Mahalla to‘g‘risida»gi qonun loyihasi ishlab chiqiladi.
Farmon bilan shuningdek, aholi muammolarini o‘rganish, tahlil qilish va hal etish hamda murojaatlarni davlat organlari va tashkilotlari tomonidan ko‘rib chiqishning bir-biri bilan uzviy bog‘langan to‘rt pog‘onali «mahalla–tuman–viloyat–respublika» tizimi joriy etilgan.
O‘zbekiston1, Mahalla raislari1, Qo‘shimcha huquq1, Nuroniylar1, Taqdimnoma kiritish1 “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Immunitetni ko‘tarish uchun 6 ta eng yaxshi vitamin
Shavkat Mirziyoyev: “Falastinlik bolalar va ayollarni beg‘araz davolashga tayyormiz”
Trampning o‘g‘li Zelenskiy yaqin orada «nafaqadan» mahrum bo‘lishini yozdi
NATO sobiq qo‘mondoni: “Putin Ukrainaning taxminan 20 foizini qo‘lga kiritadi”
AQSH Isroilga puli to‘langan buldozerlarni bermadi
Tramp Putinga qo‘ng‘iroq qilib, Ukrainadagi urushni muhokama qildi
Raqobat qo‘mitasi birjada Ai-80 benzini boshlang‘ich narxiga cheklov o‘rnatdi
Fayzullayev va Yevropa: unga berilgan ikki xil baho...
