Mavsumoldi yig‘inlarida o‘rtoqlik uchrashuvlari muhim ahamiyat kasb etadi. Kelasi mavsum Chempionlar ligasi yo‘llanmasi va Yevropa ligasi bosh sovrini uchun kurashishni maqsad qilgan “Roma” rahbariyati futbolchilarning tayyorgarligini maromiga yetkazishga katta e’tibor qaratmoqda.
Rim klubi mutasaddilari yozgi o‘quv-mashg‘ulot yig‘inlari vaqtida jamoaning kuchli klublar bilan o‘rtoqlik uchrashuvlarida o‘z imkoniyatini sinovdan o‘tkazishini ta’minlash maqsadida hozirdan bo‘lajak raqiblar bilan kelishuvga erishishga harakat qilyapti.
Corriere dello Sport nashrining xabar berishicha, asosiy tarkib 4 iyuldan Trigoriyada to‘pulanadi. Futbolchilar tibbiy ko‘rikdan o‘tkazilganidan keyin bevosita jismoniy mashg‘ulotlarga kirishadi.
Murabbiylar shtabi o‘z mamlakati milliy terma jamoasiga jalb qilingan yetakchi futbolchilarga qo‘shimcha dam olish uchun imkon yaratib berishga qaror qildi. Xususan, O‘zbekiston milliy terma jamoasi sardori Eldor Shomurodovga ham qo‘shimcha vaqt beriladi.
Terma jamoalarga jalb qilingan o‘yinchilar qolgan futbolchilarga bir haftadan so‘ng, Portugaliyadagi birinchi yig‘in davomida qo‘shiladi.
Joze Mourino shogirdlari dastlabki o‘quv-mashg‘ulot yig‘ini doirasida Fransiya chempionati vakili “Nitssa” bilan o‘rtoqlik uchrashuvida kuch sinashadi. “Nitssa” chempionatni beshinchi o‘rinda yakunladi va kelasi mavsum Yevrokuboklarda ishtirok etadi. Fransuzlar xalqaro maydondagi turnirda muvaffaqiyatli ishtirok etish uchun tayyorgarlikka zo‘r bergani aytilmoqda.
Avvalroq, “Roma” Isroilda tashkil etiladigan o‘rtoqlik uchrashuvida “Tottenxem” bilan o‘rtoqlik uchrashuvida maydonga tushishni rejalashtirgani haqida xabar bergan edik. Ko‘pchilik kutayotgan bu bahs iyul oyi oxirida bo‘ladi.
“Tottenxem” bir necha yillik tanaffusdan keyin yangi mavsumda Chempionlar ligasida ishtirok etadi. Antonio Konte o‘z shogirdlarini katta musobaqaga puxta tayyorlash maqsadida o‘quv-mashg‘ulot yig‘inlarida kuchli raqiblar bilan kuch sinashishga e’tibor qaratmoqda.
Nihoyat, “Roma” 6 avgust kuni a’anaviy Joan Gamper kubogi uchun o‘tkaziladigan bellashuvda “Barselona” bilan to‘qnash keladi. Bu eng uzoq muddat davom etib kelayotgan o‘rtoqlik musobaqalaridan biri hisoblanadi.
Bu turnir 1966 yildan beri “Barselona” asoschisi Joan Gamper sharafiga o‘tkazib kelinmoqda. Tabiiyki, bo‘lajak uchrashuvlarda Eldor Shomurodov ham ishtirok etadi. Jamoa bosh murabbiyi Joze Mourino o‘zbek futbolchisini kelajak mavsumda Rimda olib qolishga qaror qilgan va uni yozda ketadigan futbolchilar ro‘yxatidan chiqardi.
Eldor Shomurodov o‘rtoqlik o‘yinlarida ham o‘zini ko‘rsatib, “Roma”ning kerakli o‘yinchisiga aylanishini tilab qolamiz! “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSH harbiylari orasida o‘z joniga qasd qilish ko‘paydi
Har qanday katta yoshdagi kishi yetuk emas
Pashinyan Armanistonning Mustaqillik deklaratsiyani eng katta muammo va fojia deb atadi
Blinken Isroildan uchta muammoni hal etishni talab qildi
Yaxshi pishgan va mazali anor tanlashga yordam beradigan tavsiyalar
Erdo‘g‘on Turkiya Isroil bilan aloqalarini uzganini ma’lum qildi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
