Valeriy Karpin "Andijon" klubi hamda Viktor Kumikovni e’tirof etdi

“Andijon” klubining rivojlanish strategiyasi bo‘yicha o‘z oldiga qo‘ygan maqsadi katta. Jamoa garchi pro ligada qatnashayotganiga qaramasdan aslo o‘z oldiga qo‘ygan maqsadidan chekingan emas. Parallel ravishda hozirgi vazifalardan biri Superligaga qaytish.

To‘g‘ri, jamoamiz hali xalqaro maydonlarda ishtirok etmagan bo‘lsa-da, ammo vaqti kelib albatta, ushbu istagimiz ham ro‘yobga chiqadi. Rahbariyat tomonidan olib borilayotgan sa’y-harakatlar evaziga “Andijon” haqida endi xorijda ham yaxshigina tushunchalar paydo bo‘lyapti va kerakli ma’lumotlarga ega bo‘lib borishmoqda. Bu esa klubning yuksalishida muhim qadamlardan biri.

Jumladan, barchamiz bilgan, taniqli mutaxassislardan biri - Rossiya terma jamoasi va “Rostov” klubi bosh murabbiyi Valeriy Karpin bilan o‘rnatilgan muloqot chog‘ida jamoamiz borasida o‘z munosabatini bildirdi.

“Birinchi navbatda klubning Superligaga qaytishiga tilakdosh ekanligimni aytmog‘im darkor. Buning uchun “Andijon” ko‘proq g‘alabalarga erishishi kerak bo‘ladi.

Intilish va xohish o‘zaro uyg‘unlashgan taqdirdagina hammasining iloji bor. Tabiiyki, bu gaplarim klub va uning jonkuyar ishqibozlariga birdek taalluqlidir.

“Andijon” bosh murabbiyi Viktor Kumikov? U bilan shaxsan tanish emasman, lekin Kumikovning qanday murabbiy ekanligi haqida ko‘p eshitishimga to‘g‘ri kelgan”, - dedi Valeriy Georgiyevich, “Andijon” matbuot xizmatiga.

“Zamin” yangiliklarini “Twitter”da kuzatib boring