“Roma” mavsumoldi tayyorgarlik mashg‘ulotlarining asosiy qismini Portugaliyada o‘tkazdi. Joze Mourino shogirdlari jismoniy, texnik va taktik tayyorgarlik mashg‘ulotlaridan tashqari Angliya, Portugaliya va Fransiya klublari bilan o‘rtoqlik uchrashuvlarida maydonga tushdi.
“Bo‘rilar” Angliyaning “Sanderlend” va Portugaliyaning “Porteminense” jamoalarini bir xil – 2:0 hisobida dog‘da qoldirdi. “Sporting”ga 2:3 hisobida yutqazdi va Fransiya chempionati vakili “Nitssa” bilan durang o‘ynadi – 1:1.
Portugaliyadagi yig‘indan keyin Italiya matbuoti Joze Mourino yozgi transferlar oynasi yopilgunga qadar Eldor Shomurodov va Matias Vinya bilan xayrlashishga qaror qilgani haqida yoza boshladi. Bunga sabab qilib, har ikki o‘yinchi yig‘in davomida murabbiylar shtabida yaxshi taassurot qoldirmagani ko‘rsatilmoqda.
Joze Mourino Shomurodovni ham, Vinyani ham bir yil muqaddam shaxsan o‘zi jamoaga olib kelgan edi.
“Roma”ning muxlislari bu xabarga munosabat bildira boshladi.
Sports.uz portali xorijlik futbol ishqibozlarining Shomurodovning “Roma”dan ketishi mumkinligi haqidagi xabarlarga qoldirgan izohlaridan bir qismini havola etadi.
Futbol_eto_jizn: Dibalaning fonida endi hech kim murabbiylarda yaxshi taassurot uyg‘ona olmaydi.
Zaxar Krivostoyev: Dibala hali birorta o‘rtoqlik o‘yinida qatnashmadi. Shomurodovni qishdan buyon ketadi, deyishyapti. Dibala hali mashq qilmay turib, darajasini ko‘rsatib qo‘ydi, shekilli.
Tyumenes: Menga bularning bari safsatadek tuyulmoqda. “Roma”da boshqalarga tarqatib yuboradigan darajada sifatli o‘yinchilar ko‘p emas.
Old wolf (Tyumenes fikriga javoban): Spinatsolla va Zalevski bilan raqobatda Vinya zaxiraga chuqur mixlanadi. Eldor Shomurodov borasida sizning fikringizga qo‘shilaman. Mavsum uzun, bir necha frontda o‘ynashga to‘g‘ri keladi.
Angry: Eldor, seni qandrdon Rossiya premer-ligasida kutyapmiz.
Krokodilych: Shomurodov uchun Rimdan ketgani yaxshi. Italiyada o‘zini yaxshi tomondan ko‘rsatdi. O‘rtamiyona klublarda bemalol o‘ynay oladi.
Zer: “Roma”ning maqsadlari o‘zgardi, lekin har qanday o‘rtamiyona klub Eldorni jon deb oladi.
Lexa Jdanovich: Eldor uchun Rossiya premer-ligasiga qaytmaslik juda muhim.
CJ77: Shomurodov – yo‘lbars!
Japonskiy Magnitofon: Shomurodov o‘ziga o‘yin amaliyoti beradigan jamoaga ketishi kerak. Bu jamoa o‘rtamiyona yoki autsayder bo‘lsa ham mayli.
Ya: Shomurodov o‘zini boshlang‘ich tarkibga qo‘yadigan oddiyroq jamoaga o‘tishi kerak. 27 yoshida zaxirada o‘tirishi yaramaydi. Rossiyada ko‘p jamoalar uni olishga tayyor. Yevropa ligalarida ham bo‘yi baland, jismonan baquvvat va mehnatkash markaziy hujumchilarga talab katta. Hamma gap Eldor uchun “Roma” nech pul so‘rashida.
Ashan Sorokin: Eng muhimi, Eldor Rossiyaga qaytmasligi kerak, chunki Italiyada unga baribir talabgor jamoa chiqadi.
Okaka: Shomurodov Skamakka o‘rniga “Sassuolo”ga o‘tsin!
Igor Kiselev: Shoma, “Rostov”ga qayt!
Nikolay Koryagin: “Lokomotiv” Eldorni olsa bo‘lardi.
Volk: Adolat yuzasidan aytganda, ko‘p futbolchilar hozirgi “Roma”ning darajasiga tortmaydi. Shomurodovga esa, tinimsiz harakati, bir necha muhim gollari uchun rahmat. Yangi jamoaga o‘tsa, kelajak faoliyatida ham omad!
Hurmatli muxlislar, siz nima deb o‘ylaysiz, Shomurodov “Roma”dan ketgani ma’qulmi yoki Rimda qolganimi? “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Har qanday katta yoshdagi kishi yetuk emas
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Kreml Ukraina bo‘yicha muzokarada shartlar qo‘yishga urinmoqda
Blinken Isroildan uchta muammoni hal etishni talab qildi
Apple dongdor ikki ayfonini rasman eskirgan deb e’lon qildi
