“Roma” Portugaliyada tashkil etilgan mavsumoldi o‘quv-mashg‘ulot yig‘inini yakunlanganidan keyin Joze Mourino o‘rtoqlik o‘yinlarida va mashg‘ulotlar yakuniga ko‘ra, jamoani tark etishi kerak bo‘lgan o‘yinchilar ro‘yxatiga Eldor Shomurodovni ham kiritdi. Bu haqda Italiyaning bir necha narshrlari xabar tarqatdi.
Aslida klub mutasaddilari ancha avvalroq legionerimizni boshqa klublarga transfer qilib yuborishni mo‘ljallagan edi. Biroq, bir mavsum davomida hujumchimizning narxi ikki baravar arzonlagani va Joze Mourinoda o‘zi tanlagan futbolchiga yana bir yil imkoniyat berish istagi paydo bo‘lgani bois Eldor Rim klubida qolishi aytildi.
Hatto, “bo‘rilar” rahbariyati Shomurodov bo‘yicha “Galatasaroy” taklifini olib, hujumchining transferini rad etdi.
Aslida “Roma” hujum chizig‘ida Temmi Abraxam bilan tandem hosil qilish uchun Paulo Dibalani qo‘lga kirita olgani va yozda sotib yuborilishi kutilgan Nikolo Dzanoloning poytaxtda qolishga qaror qilgani boshqa hujumchilarning asosiy tarkibga kirish imkoniyatini pasaytirib yubordi. Shu jumladan, Shomurodovning ham.
Hali Yevropada transferlar oynasi yopilishiga yetarlicha vaqt bor. Endi Eldor Shomurodovning mahoratini yuqori baholaydigan jamoalar o‘zbek futbolchisiga qiziqayotgani haqida xabarlar chiqa boshlaydi. Italiyaning o‘zidan “Sampdoriya” legionerimiz bilan hamkorlik qilishga tayyorligi aytilmoqda.
Rossiya matbuoti esa, o‘z vaqtida “Rostov” sharafini himoya qilib, chempionatning eng zo‘r hujumchilaridan biriga aylana olgan Eldor Shomurodovni ortga qaytishi mumkinligi haqida bong urmoqda.
Rossiyaning “Svobodnaya pressa” nashri Eldor Shomurodovga premer-liga jamoasi qiziqayotgani haqida xabar tarqatdi. Mutaxassislar nomi sir tutilayotgan bu klub SSKA bo‘lishi mumkinligini ta’kidlamoqda.
Chunki poytaxtning bu jamoasi hujumchimiz 2020 yilning oktabr oyida “Jenoa”ga ketishidan oldin uni o‘z safiga qo‘shib olish uchun jiddiy kurashgan edi.
Hozircha, Shomurodovning kelajagi mavhum bo‘lib turishi tabiiy hol. Uning manfaatini himoya qilayotgan agentlar bu borada Rim klubi bilan gaplashishi va shunga qarab, qilinadigan ishlar strategiyasini tuzib chiqishi aniq.
Aslini olganda, Shomurodov “Roma”ning o‘tgan mavsumdagi tarkibida ham ilk daqiqadan o‘ynaydigan o‘yinchilar qatoriga kira olmagan edi. Yangi mavsumda hujum chizig‘idagi raqobat misli ko‘rilmagan darajada kuchayib ketdi. Tabiiyki, Joze Mourino aksariyat o‘yinlarda o‘tgan mavsum to‘purari va eng qimmat transfer sohibi Temmi Abraxam va jahon futboli yulduzi darajasiga yetgan Paulo Dibalaga ishonch bildirishiga hech qanday shubha yo‘q. Har ikki hujumchi Rimga zaxirada qolish uchun kelmagan.
Shuningdek, Eldor ham muntazam maydonda javlon uradigan yoshda. Bir tomonda Abraxam va Dibala soyasida o‘tirgandan boshqa klubda asosiy hujumchi bo‘lgani ma’lum. Zotan, Eldor asosiy tarkibda o‘ynashga munosib o‘yinchi.
Eldor Shomurodov “Roma”dan ketadigan bo‘lsa, bu gal ham jamoani to‘g‘ri tanlashiga umid qilamiz. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Pashinyan Armanistonning Mustaqillik deklaratsiyani eng katta muammo va fojia deb atadi
Jo Bayden: “Ba’zan xotinim meni kosmosga jo‘natish bilan tahdid qiladi”
Yaxshi pishgan va mazali anor tanlashga yordam beradigan tavsiyalar
Har qanday katta yoshdagi kishi yetuk emas
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Kreml Ukraina bo‘yicha muzokarada shartlar qo‘yishga urinmoqda
Blinken Isroildan uchta muammoni hal etishni talab qildi
Apple dongdor ikki ayfonini rasman eskirgan deb e’lon qildi
