A Seriya vakili “Bolonya” o‘zbek hujumchisi Eldor Shomurodovni qo‘lga kiritish uchun jiddiy kurashmoqda. Bu klub “Roma” bilan transfer muzokaralarini davom ettirmoqda.
Italiya futboliga ixtisoslashgan La Gazzetta dello Sport nashri nega “Bolonya” Shomurodovga bu qadar jiddiy qiziqish bildirayotgani sababini aniqladi.
Birinchi navbatda, Eldor Shomurodovning salohiyati, mahorati va o‘yin uslubi “Bolonya”ni boshqarib kelayotgan serbiyalik murabbiy Sinisha Mixaylovichga yoqadi. Bu mutaxassis futbolchilik davrida ancha mashhur bo‘lgan. O‘z yurtida bir necha yil o‘ynaganidan keyin 1992-1994 yillar davomida aynan “Roma” sharafini himoya qilib, kuchli beshlik chempionatlaridagi faoliyatini boshlagan.
Mixaylovich keyinchalik “Sampdoriya”, “Latsio” va “Inter”da to‘p tepdi. “Voyvodina” va “Srvena Zvezda” safida Yugoslaviya chempioni, Yevropa chempionlar kubogi va Qit’alararo kubok sohibi bo‘ldi.
“Latsio” o‘yinchisi sifatida Italiya chempionati, kubogi va Superkubogi g‘olibi, UYEFA kubok egalari kubogi va UYEFA Superkubogi sohibiga aylandi.
“Inter”da o‘ynagan kezlari Italiya chempionati, mamlakat kubogi va Superkubogida zafar quchdi.
Mixaylovich murabbiylik faoliyatini 2008 yili “Bolonya”da boshlagan. Keyinchalik “Kataniya”, “Fiorentina”, Serbiya terma jamoasi, “Sampdoriya”, “Milan”, “Torino”, “Sporting”da ishlab, 2019 yili “Bolonya” boshqaruviga qaytdi.
Ana shunday katta tajribaga ega bo‘lgan mutaxassis Eldor Shomurodov uning jamoasida asosiy hujumchi bo‘lishi kerak, degan fikrni ilgari surmoqda.
Bundan tashqari, “Bolonya” Eldorni jamoaning asosiy to‘purari Marko Arnautovichga munosib o‘rinbosar sifatida tanlagan. Avstriyalik hujumchi 33 yoshga to‘ldi va o‘rnini o‘zidan yosh va kuchli forvardga bo‘shatib berishi kerak bo‘ladi. Avstriya, Niderlandiya, Angliya, Germaniya, Xitoy va Italiya ligalarida to‘p tepgan bu futbolchi A Seriyada o‘tgan mavsum 33 ta uchrashuvda qatnashib, o‘z hisobiga 14 ta gol yozdirib qo‘ydi va jamoasining eng yaxshi to‘purari bo‘ldi.
“Bolonya” klubi rahbariyati bir mavsum davomida Eldor Shomurodovni Marko Arnautovich bilan hujum tandemini tashkil qilishini, keyinchalik jamoa legionerimizni oldingi chiziq yetakchisiga aylantirishni rejalashtirmoqda. Qolaversa, Arnautovichning shartnomasi 2024 yilning yozigacha tuzilgani “Bolonya” rejasiga to‘liq mos keladi.
Maydondagi pozitsiya jihatidan Shomurodov va Arnautovichning ampluasi bir xil. Har ikkisi markaziy hujumchi hisoblanadi. Shu bilan birga ularning har biri har ikki qanotda hujumkor futbolchi sifatida o‘ynay oladi.
O‘z navbatida, Eldor Italiya chempionatida ikki yildan beri to‘p tepayotganini aytish joiz. Dastlab, “Jenoa” sharafini himoya qilgan futbolchimiz Genuya klubi safida A Seriyada sakkizta gol urgandi. “Roma”dagi faoliyati davomida legionerimiz o‘zi ishtirok etgan barcha turnirlar – Italiya chempionati va kubogi, UYEFA Konferensiyalar ligasida o‘z nomiga gol yozdirib qo‘yishga erishdi. Uning o‘tgan mavsumdagi umumiy statistikasi 40 ta uchrashuv, beshta gol va oltita assistdan iborat bo‘ldi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Yaxshi pishgan va mazali anor tanlashga yordam beradigan tavsiyalar
Donald Tramp 27 yoshli Karolin Levittni Oq uy matbuot kotibi etib tayinlamoqchi
AQSH Isroilning ikki vaziriga sanksiya qo‘llamoqchi
Jo Bayden: “Ba’zan xotinim meni kosmosga jo‘natish bilan tahdid qiladi”
AQSH harbiylari orasida o‘z joniga qasd qilish ko‘paydi
Pashinyan Armanistonning Mustaqillik deklaratsiyani eng katta muammo va fojia deb atadi
Apple dongdor ikki ayfonini rasman eskirgan deb e’lon qildi
Har qanday katta yoshdagi kishi yetuk emas
