Bektemir Meliqoʻzievning jangi muddatidan oldin yakunlandi (video)

Professional boksning super oʻrta (-76,2 kg) vazn toifasida ringga chiquvchi oʻzbekistonlik bokschi Bektemir Meliqoʻziev (10-1, 8 KO) Toshkent vaqti bilan 7 avgust tongida AQShda oʻzining navbatdagi jangini oʻtkazdi.

Texas shtatida boʻlib oʻtgan jangda oʻzbekistonlik bokschiga bosniyalik Sladan Yanyanin (32-12, 24 KO) raqiblik qildi. Oʻn raundga moʻljallangan jangning dastlabki raundida Bektemir Meliqoʻziev tana qismiga berilgan kuchli zarbasi bilan raqibini nokdaun holatiga tushirdi.

Keyingi raundlarda ham Meliqoʻziev toʻla ustunlik koʻrsatib, ketma-ket zarbalari bilan raqibni passiv himoyalanishga majbur qildi.

Uchinchi raund oxirida esa referi Bektemirning ketma-ket zarbalaridan keyin jangni toʻxtatdi va texnik nokaut qayd etdi.

Shu tariqa Meliqoʻziev professional boksdagi 10-gʻalabasini qoʻlga kiritdi.
“Zamin” yangiliklarini “Telegram”da kuzatib boring