“Bolonya” rahbariyati hujum chizig‘iga muntazam gol urishga qodir forvard qidirmoqda. Hozircha, bolonyaliklar nishonida “Roma”da yetarlicha imkoniyat berilmagan Eldor Shomurodov turibdi. Bosh murabbiy Sinisha Mixaylovich o‘zbekistonlik hujumchining salohiyatiga katta ishonch bildirmoqda.
Biroq, Corriere dello Sport nashrining yozishicha, “Bolonya” va “Roma” o‘rtasida bir necha kundan beri davom etib kelayotgan muzokaralar boshi berk ko‘chaga kirib qoldi.
Tomonlar transfer summasi va formulasi borasida kelisha olmayapti. Rim klubi bir yil muqaddam 18 million yevro sarflangan Shomurodovni 15 million yevroga to‘liq transfer qilmoqchi. "Bolonya" o‘tkazilgan muzokaralar natijasida futbolchini bir mavsum ijarada o‘ynatib, kelasi yozda uni sotib olish majburiyatini qabul qildi. Lekin ular zaxiraga mixlanib qolgan o‘yinchi uchun 10 million yevro taklif etmoqda.
Xullas, italiyalik jurnalist Matteo Matarrellining xabar berishicha, “Bolonya” Shomurodovni qo‘lga kiritish uchun so‘nggi urinishni amalga oshirishga tayyorgarlik ko‘rmoqda. Agar Rim klubi mutasaddilari bilan kelishishning imkoni bo‘lmasa, bolonyaliklar Shomurodov transferidan voz kechib, boshqa variantlarni ko‘rib chiqadi.
A Seriya transfer bozorini kuzatib borayotgan https://footballnews24.it sayti jurnalisti Janmarko Vakkarizi “Bolonya” Eldorning o‘rniga boshqa hujumchi topib qo‘yganini haqida ma’lumot berdi.
Bolonyaliklar sport direktori Jovanni Sartori agar rimliklar Shomurodov transferini cho‘zib yuborsa, italiyalik hujumchi Fabio Borinini taklif etishni rejashtirayotgani oshkor bo‘ldi.
Fabio Borini Italiya futbolida o‘z nomiga ega hujumchilardan hisoblanadi. U futbolning ilk sirlarini “Bolonya”da o‘rgangan va keyinchalik “Chelsi” akademiyasiga o‘tib ketgan. Professional darajada “Chelsi”, “Suonsi”, “Parma”, “Roma”, “Liverpul”, “Sanderlend”, “Milan” va “Verona”da o‘ynagan.
Italiyalik hujumchi ayni paytda Andrea Pirlo qo‘l ostida Turkiyaning “Fatih Karagyumryuk” jamoasi sharafini himoya qilmoqda. Bu jamoa o‘zbekistonlik futbol ishqibozlari uchun begona emas. Bu mavsumdan turk jamoasi safida Otabek Shukurov to‘p tepmoqda.
Manbalarning ta’kidlashicha, 31 yoshli Fabio Borinining o‘zi ham kuchli beshlik chempionatlariga qaytishga qarshi emas. Uning turklar bilan shartnomasi yakunlanishiga bir yil qoldi. Qolaversa, tajribali o‘yinchining transferi 2,5 million yevroni tashkil qilayotgani ham “Bolonya”ning ishini ancha yengillashtiradi.
Fabio Borini faoliyati davomida bir necha mamlakat chempionatlarida jami 33 ta uchrashuv o‘tkazib, 82 ta gol va 31ta assist qayd etgan.
Demak, biz uchun muhim tomoni, “Bolonya” va “Roma” vakillarining navbatdagi uchrashuvida Shomurodov transferi masalasiga nuqta qo‘yiladi. Eldor faoliyatini Italiya chempionatida davom ettirishni istamoqda. Shu bois, hamyurtimizni o‘z safiga chorlayotgan “Trabzonspor” taklifi hali inobatga olingani yo‘q. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
KXDR yetakchisi dronlarni ommaviy ishlab chiqarishni yo‘lga qo‘yishni buyurdi
Ayrim boshqaruv servis kompaniyalari shartnomalarida asossiz shartlar belgilangani aniqlandi
20 yoshli o‘zbekistonlik qizni qarindoshi Turkiyaga sotib yubordi
Rossiya armiyasi Kupyanskka kirgani aytilmoqda
Kreml Ukraina bo‘yicha muzokarada shartlar qo‘yishga urinmoqda
Turkiyaning Harper's Bazaar nashri yil ayolini aniqladi (foto)
Buyrak salomatligi uchun eng foydali sabzavot...
Shols va Putin o‘rtasidagi suhbat Kiyevga signal bo‘ldi
