YECHL. «Liverpul» sensatsion tarzda mag‘lubiyatga uchradi, «Barselona»da yirik g‘alaba, «Bavariya» «Inter»ga imkon qoldirmadi

Futbol bo‘yicha Yevropa Chempionlar Ligasining 1-turidan o‘rin olgan bir qator uchrashuvlar 7 sentabr, chorshanba kuni bo‘lib o‘tdi.

«Napoli» o‘z maydonida «Liverpul»ni qabul qildi. Uchrashuvning 5-daqiqasida Pyotr Zelinski penaltidan hisobni ochdi. 31-daqiqada Zambo-Angissa neapolliklarning ikkinchi golini urdi. Birinchi bo‘lim so‘ngida Jovanni Simeone hisobni yiriklashtirdi. 47-daqiqada Pyotr Zelinski dublni rasmiylashtirdi. Oradan 2 daqiqa o‘tib, Luis Dias hisobni qisqartirdi. Shu tariqa «Napoli» 4:1 hisobida g‘alaba qozondi.

C guruhida «Bavariya» «Inter» bilan bahs olib bordi. 25-daqiqada Leroy Sane hisobni ochdi. 66-daqiqada Danilo D`Ambrozio o‘z darvozasini ishg‘ol qildi. Myunxenliklar yakunda 2:0 hisobida zafar quchdi.

Guruhning ikkinchi o‘yinida «Barselona» «Viktoriya»ga qarshi maydonga tushdi. Kataloniyaliklar 5:1 hisobida g‘alaba qozondi. Frank Kessie va Ferran Torres bittadan gol urgan bo‘lsa, Robert Levandovski het-trik muallifiga aylandi. «Viktoriya» safida Jan Sikora o‘z hisobiga gol yozdirib qo‘ydi.

«Tottenhem» Risharlisonning dubli evaziga «Marsel»ni mag‘lub etdi.

«Atletiko» esa qiyin kechgan bahsda «Portu» ustidan g‘alaba qozondi. Uchrashuvdagi barcha gollar 90-daqiqadan so‘ng urildi. Dastlab 90+2-daqiqada Ermoso hisobni ochgan bo‘lsa, 90+6-daqiqada Uribe penaltidan unumli foydalanib, hisobni tenglashtirdi. 90+10-daqiqada Antuan Grizmann «matraschilar»ga g‘alaba keltiruvchi gol muallifiga aylandi.

«Napoli» – «Liverpul» 4:1
Gollar: 1:0 – 5 Zelinski (penalti), 2:0 – 31 Zambo-Angissa, 3:0 – 44 Simeone, 4:0 – 47 Zelinski, 4:1 – 49 Dias.
«Napoli»: Meret, Di Lorenso, Rrahmani, Kim Min Chje, Olivera (Mariu Ruy, 74), Lobotka, Zelinski (Elmaz, 74), Zambo-Angissa, Politano (Losano, 58), Osimhen (Simeone, 41), Kvarasxeliya (Dzerbin, 57).
«Liverpul»: Alisson, Aleksander-Arnold, van Deyk, Gomes (Matip, 46), Robertson, Milner (Tiago Alkantara, 63), Fabino, Elliott (Artur, 77), Firmino (Nunes, 62), Saloh (Diogu Jota, 63), Dias.
Ogohlantirishlar: Milner (10), van Deyk (18), Rrahmani (66).

«Inter» – «Bavariya» 0:2
Gollar: 0:1 – 25 Sane, 0:2 – 66 D`Ambrozio (avtogol).
«Inter»: Onana, Dumfris (Darmian, 72), D’Ambrozio, Shkrinyar (de Vrey, 72), Bastoni (Dimarko, 72), Gozens, Mxitaryan, Brozovich, Chalhano‘g‘lu (Galyardini, 81), Jeko (Korrea, 71), Martines.
«Bavariya»: Noyer, Pavar, Ernandes (Stanishich, 84), de Ligt (Upamekano, 75), Devis, Zabitser (Goretska, 61), Kimmix, Myuller, Mane, Koman (Gnabri, 75), Sane (Musiala, 84).
Ogohlantirishlar: de Ligt (41), Dimarko (89).

«Barselona» – «Viktoriya» 5:1
Gollar: 1:0 – 13 Kessie, 2:0 – 34 Levandovski, 2:1 – 44 Sikora, 3:1 – 45 Levandovski, 4:1 – 67 Levandovski, 5:1 – 71 Ferran Torres.
«Barselona»: ter Stegen, Serxi Roberto (Pike, 46), Kristensen, Kunde, Alba, Kessie (Torre, 81), de Yong, Pedri (Gavi, 75), Levandovski, Dembele (Depay, 75), Fati (Ferran Torres, 65).
«Viktoriya»: Stanek, Gavel, Geyda, Pernisa, Yemelka (Golik, 86), Sikora (Pilarj, 79), Moskera (Yirka, 79), Vlkanova (Chermak, 78), Kalvax, Buxa, Xori (Bassi, 66).
Ogohlantirishlar: Pernisa (4), Moskera (27), Xori (56), Yemelka (62).

«Tottenhem» – «Marsel» 2:0
Gollar: 1:0 – 76 Risharlison, 2:0 – 81 Risharlison.
«Tottenhem»: Loris, Emerson (Kulusevski, 61), Dayer, Langle (Devis, 73), Romero (Tanganga, 73), Perishich, Hyoyberg, Bentankur (Bissuma, 85), Son (Doerti, 86), Keyn, Risharlison.
«Marsel»: Lopes, Kloss (Kolashinas, 70), Mbemba, Jigo (Under, 87), Bayi, Nunu Tavaresh, Veretu (Guye, 87), Ronje, Jerson (Balerdi, 50), Genduzi, Suares (Xarit, 71).
Ogohlantirishlar: Bayi (48), Dayer (53), Son (65), Kloss (70).
Chetlatish: Mbemba (47).

«Atletiko» – «Portu» 2:1
Gollar: 1:0 – 90+2 Ermoso, 1:1 – 90+6 Uribe (penalti), 2:1 — 90+10 Grizmann.
«Atletiko»: Oblak, Molina (de Paul, 46), Vitsel, Himenes, Reynildu, Karrasko (Lemar, 46), Koke, Saul (Grizmann, 61), Lorente, Morata (Ermoso, 68), Joau Feliks (Korrea, 71).
«Portu»: Diogu Koshta, Pepe, Karmu, Sanusi, Otavio (Brunu Koshta, 77), Uribe, Eushtakiu, Pepe (Joau Mariu, 62), Taremi, Evanilson (Toni Martines, 78), Galeno (Gabriel Veron, 88).
Ogohlantirishlar: Pepe (53), Koke (56), Uribe (68), Taremi (71), Ermoso (90).
Chetlatish: Taremi (82).

«Bryugge» – «Bayer» 1:0
Gol: 1:0 – 42 Silla. “Zamin” yangiliklarini “Odnoklassniki”da kuzatib boring