UzReport TV telekanali Evropa Chempionlar ligasi yarim finalidan o‘rin olgan uchrashuvlarni to‘g‘ridan-to‘g‘ri efirda muxlislar e’tiboriga havola qiladi. Bu haqda "Kun.uz" xabar bermoqda.
26 aprel kuni Manchester shahridagi «Etihad Stedium»da «Manchester Siti» - «Real» to‘qnashuvi bo‘lib o‘tadi.
27 aprel chorshanba kuni esa Madriddagi «Visente Kalderon» o‘yingohida «Atletiko» klubi «Bavariya»ni qabul qiladi.
Har ikki uchrashuv Toshkent vaqti bilan soat 23:45da boshlanadi. Ushbu o‘yinlarni Davron Fayziev va Yoqubjon Bobojonov sharhlab borishadi.
UzReport TV telekanali 2015 yil 1 dekabrdan o‘z ko‘rsatuv va dasturlarini «Yamal 401» sun’iy yo‘ldoshi orqali uzatishni boshladi.
Telekanal biznes yo‘nalishidagi ko‘rsatuvlar, ma’rifiy-ommabop dasturlar bilan bir qatorda, 2015 yildan boshlab futbol bo‘yicha Evropa Chempionlar Ligasi va Angliya Premer-ligasi uchrashuvlarini jonli efirda namoyish etib kelmoqda.
Telekanal signalini qabul qilish uchun texnik ko‘rsatkichlar:
- Sun’iy yo‘ldosh — «Yamal 401», Ku diapazonining 90 daraja shimoliy nuri;
- Qabul chastotasi — 11,505705 GGs;
- Simvol tezligi — SR = 2280 ksps;
- Modulyasiya — DVB-S QPSK 1/2;
- Qabul polyarizasiyasi — vertikal;
- Ajrata olish o‘lchami — standart (720 x 576i);
- Kompressiya — MPEG-4;
- Tavsiya qilingan antenna diametri — 100 santimetrdan ortiq. “Zamin”ni Telegramʻda oʻqing!
Ctrl
Enter
Xato topdIngizmi?
Iborani ajratib Ctrl+Enter tugmasini bosing 
