17:04 / 22.02.2015
6 513

O‘zbekiston yosh futbolchilari JCh-2015 arafasida Portugaliya va Urugvayga qarshi o‘ynashadi

O‘zbekiston yosh futbolchilari JCh-2015 arafasida Portugaliya va Urugvayga qarshi o‘ynashadi
Futbol bo‘yicha O‘zbekiston yoshlar (U-20) terma jamoasi mart oyida ikkita xalqaro o‘rtoqlik uchrashuvi o‘tkazadi.

O‘zbekiston Futbol Federasiyasi matbuot xizmati xabariga ko‘ra, bosh murabbiy Ravshan Haydarov qo‘l ostidagi terma jamoa 25-30 mart kunlari Portugaliyada yig‘in o‘tkazadi.

Yig‘in doirasida o‘zbekistonlik futbolchilar 27 mart kuni Portugaliya yoshlar (U-20), 29 mart kuni esa Urugvay yoshlar (U-20) terma jamoasiga qarshi to‘p surishadi.

Ma’lumot uchun, Portugaliya yoshlar terma jamoasi o‘z yosh toifasida Evropa vise-chempioni, Urugvay esa amaldagi jahon vise-chempioni hisoblanadi.

Eslatib o‘tamiz, Ravshan Haydarov qo‘l ostidagi O‘zbekiston yoshlar terma jamoasi 30 maydan start oladigan yoshlar o‘rtasidagi jahon chempionatida ishtirok etadi.

O‘zbekiston yoshlar terma jamoasi JCh-2015ning Germaniya, Fiji va Gonduras terma jamoalari bilan birga “F” guruhidan o‘rin olgan.

Manba: www.kun.uz
Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)